PH
Ang mamarang ( Termitomyces cartilagineus) ay isang uri ng halamang singaw na kilala sa katawagang kabute sa wikang Tagalog. Ito ay nakakain at nabibilang sa isa sa mga sangkap sa mga lutuin ng Hapon , Tsina at sa Pilipinas. Ang mamarang katulad ng kauri nitong kabuteng parang ay mga kabute na sumisibol sa pinagbahayan ng anay. Dahil dito isa itong uri ng halamang-singaw na hindi napapasibol ng tao. Ito ay kusang nasibol sa tamang panahon lalu na kapag nagkakaroon ng matinding pagkidlat. Ang mga nitrate na compound sa himpapawid ay siyang isang dahilan para sumibol ang kabute sa nabubulok na bahay ng anay at iba pang organikong bagay sa kalikasan tulad ng dahon, kahoy at mga dumi ng hayop. Dapat magingat sa pagkain ng kabuteng ito dahil may mga kamukha itong kabute na nakakalason.
Ano bang mga benepisyong pangkalusugan na naidudulot nito?
1. Maymakukuhang protina dito na umaabot sa 20% hangggang 50% ng timbang nito (fresh weight)
2. Kung ikukumpara sa karne, isda o itlog, mas mababa ang protina ng kabute. Ngunit kapantay ng protina ng kabute ang protinang nakukuha sa mais at gatas ng kalabaw. Mas marami ang bitamina A ng kabute kung ihahambing sa repolyo, carrots, kamatis, saging at mansanas.
3. Mataas din ang ascorbic acid ng kabute
4. Mayroon ding mga minerals tulad ng potassium at calcium at mga bitamina B, C at D na makukuha sa kabute.
5. Pinaniniwalaan ding nagbibigay ang kabute ng resistensya laban sa maraming sakit ng katawan tulad ng tumor at kanser. Ang Lentinus at Ganoderma ay dalawa lamang sa mga kabute na ngayon ay itinatanim at pinaparami para gamitin ang kanilang bisa bilang medicinal mushrooms.
6. Lahat ng kabute ay walang cholesterol at mababa ang calories. Mainam para sa mga taong tumatanda o sa mga taong labis ang timbang.
Source:
You do not have permission to view the full content of this post. Log in or register now.
