✍️ Arts/Lit Bilanggo

[msstar]

Bilanggo

Walang posas pero hindi makatakas
Walang rehas pero hindi makalabas
Sa mga alaala mo
Nananatili akong bilanggo.

Kahapo'y matagal nang lumipas
Lahat sa ati'y matagal nang nagwakas
Natapos ang lahat ng hindi malaman
Kaya hanggang ngayo'y naguguluhan.

Ikaw bago maidlip
Ikaw pa rin hanggang sa panaginip
O bakit ganito?
Pakiusap tulungan mo ako.

Kahit ibig kang makausap
Hindi na maaari kahit sulyap
Ito nalang ang tanging paraan ko
Para makaiwas sa gulo.

Ayaw na kitang isipin at maalala
Maaari mo bang sabihin kung paano ba
Sa pagiging malungkot ako'y sawa na
At nang makagaan na rin sa iyong konsensya.

Hindi ko maintindihan kung bakit ba
Sa aking gunita bakit nandoon pa
Na tila nagagapos
Ng mga pangyayaring matagal nang tapos.

Paano umalis, paano tatakas?
Paano gagawin ang hakbang palabas
Kung sa bawat araw na lilipas
Ikaw pa rin, at hindi kumukupas?

 

[freenetuser99]

Thanks sa share! Try ko to

Lols hahahaha joke lang

 

[risjohn]

Bravo...

 

[t h i n k s t e r]

..bilanggo, ,
sa tamang panahon ika'y makakatim din ng paglaya
..maghintay at may nakalaang ..bukas..