NETIZEN, HINILING NA SANA'Y ALISIN NA ANG 'HAHA' REACT SA FACEBOOK

Isang netizen ang naniniwala na dapat alisin na ng Meta sa social media ang 'haha' react dahil nagagamit lamang umano ito sa negatibong mga bagay.

Sa isang post, ibinahagi ni netizen Green Fox ang kanyang mungkahi na alisin ang 'haha' react dahil sa ginagawa lamang umano nito ang online community na 'toxic.'

Ginagamit lamang din umano ito ng mga troll para magbigay ng negatibong reaksyon sa isang post na hindi nangangailangan ng paliwanag.

"Social media should connect us, not give trolls a one-click button to humiliate others," aniya.

Sa ngayon ay wala pang tugon ang Meta sa hiling ng nasabing netizen.