🎓 Academic Philosophy Self

[Ph_Bunker]

➢ What is your own philosophy of self? Explain as fully and precisely as you can.

 

[Leonz]

Same need kodin sa personal development subject

 

[Kaplok Kaplok]

Simulan tayo sa tanong

What makes a chair a chair?
Pag sinabing chair, kadalasan ang iisipin mo ay isang material na may apat na paa, may sandalan, may armrest at inuupuan.

Pero chair pa nga ba ang upuan na may tatlong paa, dalawa, o isa? Walang sandalan, at walang armrest. Ang isan troso o malaking bato ay maari din tawaging chair. Sa madaling sabi, a esensya ng chair ay nasasaloob sa kanyang silbi, o potensyal na silbi ng nung bagay.

Ganun din ang self. Hindi "ako" ang bawat bahagi ng katawan ko. Hindi "ako" ang bawat bawat timbang ng materyal sa katawan ko. Mas tamang sabihin na ang katawan ko ang kabuuan ng mga kinonsumo ko sa buong buhay ko. Pero hindi padin yan "ako".

Siguro ako ang isip ko. Pero paano pag nilamon ako ng kabaliwan, ng alzeimers, o ng amnesia, kung saan mawala lahat ng ala-ala ko. Masasabi bang hindi na iyon ako? Kahit hindi man sa malubhang sakit, kung aalalahin ko lamang ang sarili ko sa nakalipas na lima, sampu, o dalawampung taon, sa kakaibang paraan may pakiramdam ako na ibang tao, ibang prinsipyo, o ibang sarili ang nagpapatakbo saakin. Kahit alam kong yung ibang esensya na iyon ay nilalaman padin ng salitang "ako".

So ano nga ba ang self para saakin? Ang tanging ebidensya lang na malinaw ng existence ng self ay ang impluwensya ko sa mundo, maging gaano man ito kalaki o kaliit.

 

[Deleted member 1791944]

Para sa akin ang self ay ang ikaw ngayon base sa pinagtagpi-tagping piraso mula sa impluwensya na galing sa ibang tao, ang kinalakihan mong mundo (panahon at lugar), at ang mismong nakaimprinta sa genes mo.

Ang isang basehan ng aking opinyon ts, ay ikaw ba, saan ba nagmumula ang desisyon mo sa buhay? Kung dadaan ka sa kalsada at may nakasalubong kang nagbebenta ng taho at nagugutom ka sa mga panahong iyon, may dalawa kang rasyonal na desisyon na mapagpipiliian. Ang pagpipilian mo ay kung bibili ka o hindi diba? Ang pagpili mo ng desisyon mula sa dalawang iyon ay base sa paglaki mo (kung uso ba ang taho, kung binibigyan ka ba palagi ng iyong magulang o di kaya ay binibilhan palagi ng iyong kaibigan), at personal preference (genes dahil maaaring allergic ka kunwari sa taho).