✍️ Arts/Lit Trauma

[lunatic]

Trauma
ni: KhioneNyx

Pinikit ko ang aking mga mata at muli'y idinilat
Hayan na! Malapit na ang oras
Kasabay ng paglagabog ng aking ******
Ang paparating na oras ay siyang kinatatakutan
Ilang beses na bang paulit-ulit na
rumihestro sa'king isipan
Lagpas sa'king sampung mga daliri
Ang paulit-ulit na takot ang aking nadarama

Tama na! Walang nakakaalam, walang gustong makaalam,
wala silang maintindihan, wala silang gustong maintindihan
Sa mata ng lahat, ako ang masama, ako ang nagkamali
Hindi nila makita, hindi nila gustong makita
Sa likod ng aking matapang na maskara, nasa ilalim nito ang hindi maipintang emosyon

Bumabalik! Bumabalik sa'king alaala
Alaalang hindi ko malilimutan
Ilang luha ang pumatak, mga salitang sa'kin nila'y isinaksak

Masakit! Ayoko na!
Sa silid na aking kinatatakutan
Ang mga mukhang sa'kin nakaharap
Ang mga matang mapanghusga sa'kin nakatitig
Kailangan pa rin, kailangan ko pa rin silang harapin sa araw na 'to
Kailan kaya matatapos ang aking pagdurusa?

Source of DeepWeb PH