PH
"Nakaraan ay tumila na"
Sariwa pa rin sa isip ko
Mga ngiting pabaon mo
Ang siyang naging liriko
Sa awitin nitong buhay ko
Bawat pahina ng kwento ko
Pangalan mo ang laman nito
Iginuhit ko sa puso ko
Ang kabanatang ikaw at ako
Minsan ako ay napapaisip
Talaga bang may sakit pag-umibig?
Kung itong nadarama
Lulungkot din masaya man sa una
Niyakap ko ang bawat sandali
Na kasama ka at bawat pagngiti
Walang humpay ang dulot nito
Kung gaano ako napapasaya mo
Sa tagal na nang ating samahan
Nakagawa na siguro tayo ng kasulatan
Mga libro na puno ng kuwento
Tungkol sa kung anong meron tayo
Hindi lang dalawa o tatlo
Ang kabanata at pahina nito
Dahil para sa akin lagpas pa sa libo
Bawat pahina'y puno ng pagmamahal ko
Ngunit ako pala ay mali
Sa pag-aakalang ako'y magwawagi
Sa laban ng kabanata nitong aking libro
Hindi na umabot ng libo pagkat nilisan mo ako
Hindi mo alam kung gaano kahalaga
Ang mga iniwan mong kabanata
Sa kuwento dito sa buhay ko
Labis ang puso ko ay nagdurugo
Nakilala kita sa pagkakataong tama
Pero bakit ganito? tapos na ba?
Yung inaakala kong tama sa buhay ko
Mali pala ang siyang inakala ko
Sa buong buhay ko ay akala ko
Patalim lamang ang makakasugat nito
Ang buong pag-aakala ko
Patalim lamang ang makakapagdulot nito
Mali pala, mali ako
Sa pag-aakalang merong tayo
Tayong magpapatuloy sa bawat kuwento
Na meron ako at merong tayo
Tinanggap ko ang pag-iwan mo
Kahit kulang na ang kuwento ko
Patuloy pa rin akong nagsusulat
Sa pag-asang balang araw maghilom ang sugat
Noong araw ng paglisan mo
Naging basa na itong tuyong unan ko
Wala nang gana itong pagkain ko
Pati alak kinaibigan ko
Malungkot na ang dating masaya
Dating may kakuwentuhan ngayon ay nag-iisa
Yan ang dinulot mo sa mabait kong puso
Sanhi ito ngayon nang iniwan mo ako
Ngunit kahit anong gawin ko pa
Kahit ireklamo ko pa
Malabo na sigurong madugtungan ko pa
Ng magagandang kabanata ang bawat pahina
Tapos na, Wala na siguro to
Pagkat alam ko dito sa sarili ko
Mabubuo lamang ang kuwentong ito
Kung nanatili ka pa rin sa tabi ko
Papaano ko ngayon mapapasaya sila?
Ang lahat ng makakabasa nitong kabanata
Kung ang kuwento ngayon ay wala ka
At nag-iisa na ako at di na masaya
Kung ito man ay pagkakasala
Humihingi ako ng hustisya
Pagkat alam ko sa sarili ko
Hindi krimen ang magmahal sayo
Inusente ako nang inibig kita
Hindi ako kriminal nang minahal kita
Hindi ko ninakaw sayo ang puso mo
Dahil sinabi mong mahal mo rin ako
Subalit parang ako ang ninakawan mo
Nang iwan mo ako'y wala na sa ****** ko
Yung puso ko na ipinagkatiwala ko sayo
Dala-dala mo noong iniwan mo ako
Pero bakit kahit wala na sa akin
Ramdam ko pa rin ang sakit
Hindi ko maibaling sa iba kung anong binigay ko sayo
Pagkat alam ko sa sarili ko ibinigay ko na lahat sayo
Ganun kita kamahal noong sinabi mong mahal mo ako
Ganun ka rin ba sa akin? noong binitiwan ang salitang ito?
Mahal, Mahal din kita yan ang mga sinabi mo
Pero bakit mali ako, dahil naniwala ako sayo
Kung kailan sayo ako natuto
Ang maging seryoso sa kung anong meron tayo
Tsaka ka pa nang-iwan nang minahal kita
Pagbuhos ng pag-ibig at ang ating nakaraan ay tumila na
Mad
