PHXenon Caelum
Established
Sa pelikulang T2, pinakita nila ang itsura ng 'Biringan' o biro ng mga ilan, bilang ika-83rd na probinsya. Ang portal daw nito o lagusan ay matatagpuan diumano sa Samar.
Ayon sa mga kwento, ang mga engkanto mula sa Biringan ay pumupunta sa mundo ng mga tao, dahil ang mga tao ang magbibigay sa kanila ng anak, pagkasilang ng kanilang anak ay hudyat din ng kanilang pagkamatay, at ang mga sanggol na anak nila ay kukunin sa nakatakdang edad.
Ngunit, kailangan ay mula sa pinal na desisyon ng kukunin, kailangan ang bata ay magdesisyon na s'ya ay magiging kapanalig at mananatili sa perpektong mundo ng Biringan kung saan napakagara ng buhay, natataasang gusali, walang hanggang kayamanan at buhay, na marami ang pumili kesa sa mundo na puno ng lungkot, hirap at pagdurusa.
Isa marahil daw ito sa dahilan kung bakit may ilang kabataan o mga tao na hindi na nakita pa sa probinsya at hinihinalang tumira na daw sa Biringan. Magkagayuman, patunay lamang ito na napakalawak ng imahinasyon ng mga tao at ang mga kwentong napagtagni-tagni ay tila naging isang realidad o totoo para sa ilan.
Ang aral dito ay wala talagang perpektong mundo sa ating daigdig ngayon, dahil tayo lamang ang gagawa at hahanap ng ating tunay na ikaliligaya, dahil ang tunay kasiyahan at tagumpay ay ang makasama mo ang mga taong nagparamdam sa'yo ng importansya at pagmamahal na hindi matutumbasan ng karangayaan at kapangyarihan.