💕 Dating/Love BITAW

[Chizue Mizokuchi]

Nilamon ako ng sariling kalungkutan,
Ang loob ko'y pinanghihinaan,
Sarili mismo ay tila sinusukuan,
Pagod at sakit, iyon ang aking nararamdaman.
Tila leeg ko'y nakatali,
Hirap ng makahinga,
Gusto ko ng magpahinga!
Sinubukan ko! Lumaban ako!
Ngunit sa bawat bangon ko,
Nadadapa at nadadapa lang ako.
Puno na ng sugat ang puso ko,
Sarili ay unti-unting nadudurog,
Ako'y nilalamon ng poot,
Sumisigaw ako ngunit walang nakakarinig,
Mali! wala talagang gustong makinig.
Kahit anong sabi ng iba na;
“kaya mo yan“
“ipagpatuloy mo lang“
“sayang naman”
Madaming tanong sa isipan,
Sa anong paraan?
Paano ko kakayanin?
Paano ko ipagpapatuloy?
Kung sarili ko mismo,
hindi ko na maintindihan?
Kaya kung naiintindihan mo ako,
Pakipaliwanag naman,
Kasi kung ako lang ang tatanungin,
Mas gusto ko nalang lumisan,
At sariling hininga'y tatapusin
ng walang halong pag-alinlangan.​