✍️ Arts/Lit Numero Diyes

[zysss]

Sa kandilang nagsisilbing liwanag sa madilim na silid, nagsusulat ng mensaheng padamdam kasabay sa kabilugan ng buwan sa paligid. Sa dampi ng tinta sa papel na pahatid, nangungulila sa iyong lambing sa tulaan nagkaroon ng luhang bahid.

Puting blankong papel naglalaman ng masidhing damdamin ng iba't ibang aspeto nang palagay subalit ito'y humahayo ng palahaw. Mapanimdim na inaasam ang iyong magandang gabi sa takipsilim animoy alapaap sa kalangitan na minimithi ang pagkalaho ng himpapawid na namamanglaw.
(11:19am)

(1:46pm) Sa bawat talatay ng matamis na kamusta ang iyong mga mata ay kumikislap sa tuwing ito'y humahalaklak naghahandog ng ligaya sa likidong aking ginagamit sa pagtatala ng ating masayang alaala. Isang aligata na tinta ay nakulayan ng iyong matatamis na salita na maihuhulma sa mundong dalita subalit ito'y umaapaw nang paggiliw at kalingain sa kinamumuhayan na sukdulan ng pagkutya. (2:23pm)

Gabing naiinip nakadungaw sa bintana tanaw ang buwan at ang mga bituin katabi ng kandilang habang natutunaw ito'y di na maiibabalik datapwat ito'y isang luha ng pangungulila't nasasabik pagnilayan ang pagsamong ako'y samahang maglakbay sa himpapawid. Kasayaw sa aking isipan habang ang aking kamay ay nagkukusang iliham ang damdamin kasabayan ng pagkaubos ng kandilang nais ipabatid. (2:50pm)