PHKolesterol (Cholesterol)
By Dr. Gary Sy
• Ang bawat tao ay mayroong tatlong (3) pangunahing uri ng taba sa dugo.
1. Kabilang dito ang tinatawag na (Good Cholesterol) High Density Lipoproteins (HDL) kung saan dinadala ng “mabuting” kolesterol na ito ang mga sobrang kolesterol sa inyong dugo pabalik sa inyong atay upang mailabas ito ng inyong katawan.
2. Nandiyan naman ang “masamang” kolesterol (Bad Cholesterol) o ang Low Density Lipoproteins (LDL). Ang ganitong kolesterol sa inyong dugo ay dumarami sa inyong mga ugat o daluyan ng dugo. Maaari itong magdulot ng paninikip ng mga ugat, na nagpapahirap sa pagdaloy ng dugo.
3. Ang pangatlong uri ay ang triglycerides. Maaaring pataasin ng pagkain ng masyadong maraming carbohydrates ang antas ng inyong triglyceride.
Paano isinusuri o sinusukat ang kolesterol? Ang mga taba sa dugo ay sinusukat sa pamamagitan ng isang pagsusuri ng dugo upang malalaman ang kabuuang antas ng kolesterol (total cholesterol level). Ang malusog na antas ay yung mas mababa sa 200. Kung ang inyong kabuuang kolesterol ay mas mataas dito, susuriin ng inyong doktor ang inyong HDL, LDL at triglycerides.
Ang antas ng HDL o “mabuting” kolesterol ay mas mainam, tulad ng antas na 60 at mas mataas. Kailangang kausapin ang inyong doktor tungkol sa mga lunas kung ang inyong antas ay mas mababa sa 40.
Ang antas ng LDL o “masamang” kolesterol naman ay sinasabing mas mabuti kapag mas mababa ang bilang. Ang malusog na antas nito ay kapag mas mababa sa 100. Maaaring naisin ng inyong doktor na magkaroon kayo ng LDL na mas mababa sa 70 kung kayo ay nagkaroon ng problema sa puso kamakailan lamang. Importanteng kausapin ang inyong doktor tungkol sa lunas naman kung ang inyong antas ay 130 at pataas.
Ang antas ng triglyceride sa inyong dugo naman ay masasabing malusog kapag ito ay mas mababa sa 150. Kung ito ay pumalo ng 200 at pataas, kailangang kausapin ang inyong doctor tungkol sa lunas para dito.
TANDAAN:
Ang impormasyon na nakapaloob dito sa Gabay sa Kalusugan - Pahina ng Kalusugan ay para lamang sa mga layuning pang-edukasyon at hindi kapalit ng payo, diagnosis o paggamot ng isang lisensiyadong manggagamot. Dapat kang humingi ng mabilis na pangangalagang medikal para sa anumang mga isyu sa kalusugan. Bisitahin ang iyong doktor.
Salamat po.
By Dr. Gary Sy
• Ang bawat tao ay mayroong tatlong (3) pangunahing uri ng taba sa dugo.
1. Kabilang dito ang tinatawag na (Good Cholesterol) High Density Lipoproteins (HDL) kung saan dinadala ng “mabuting” kolesterol na ito ang mga sobrang kolesterol sa inyong dugo pabalik sa inyong atay upang mailabas ito ng inyong katawan.
2. Nandiyan naman ang “masamang” kolesterol (Bad Cholesterol) o ang Low Density Lipoproteins (LDL). Ang ganitong kolesterol sa inyong dugo ay dumarami sa inyong mga ugat o daluyan ng dugo. Maaari itong magdulot ng paninikip ng mga ugat, na nagpapahirap sa pagdaloy ng dugo.
3. Ang pangatlong uri ay ang triglycerides. Maaaring pataasin ng pagkain ng masyadong maraming carbohydrates ang antas ng inyong triglyceride.
Paano isinusuri o sinusukat ang kolesterol? Ang mga taba sa dugo ay sinusukat sa pamamagitan ng isang pagsusuri ng dugo upang malalaman ang kabuuang antas ng kolesterol (total cholesterol level). Ang malusog na antas ay yung mas mababa sa 200. Kung ang inyong kabuuang kolesterol ay mas mataas dito, susuriin ng inyong doktor ang inyong HDL, LDL at triglycerides.
Ang antas ng HDL o “mabuting” kolesterol ay mas mainam, tulad ng antas na 60 at mas mataas. Kailangang kausapin ang inyong doktor tungkol sa mga lunas kung ang inyong antas ay mas mababa sa 40.
Ang antas ng LDL o “masamang” kolesterol naman ay sinasabing mas mabuti kapag mas mababa ang bilang. Ang malusog na antas nito ay kapag mas mababa sa 100. Maaaring naisin ng inyong doktor na magkaroon kayo ng LDL na mas mababa sa 70 kung kayo ay nagkaroon ng problema sa puso kamakailan lamang. Importanteng kausapin ang inyong doktor tungkol sa lunas naman kung ang inyong antas ay 130 at pataas.
Ang antas ng triglyceride sa inyong dugo naman ay masasabing malusog kapag ito ay mas mababa sa 150. Kung ito ay pumalo ng 200 at pataas, kailangang kausapin ang inyong doctor tungkol sa lunas para dito.
TANDAAN:
Ang impormasyon na nakapaloob dito sa Gabay sa Kalusugan - Pahina ng Kalusugan ay para lamang sa mga layuning pang-edukasyon at hindi kapalit ng payo, diagnosis o paggamot ng isang lisensiyadong manggagamot. Dapat kang humingi ng mabilis na pangangalagang medikal para sa anumang mga isyu sa kalusugan. Bisitahin ang iyong doktor.
Salamat po.
