PH
"kriminal ako"
Isa sa pinakatago-tago kong lihim
Ang pagiging kriminal ko sa dilim
Na minsan di ko lubos maisip
Kung bakit nagagawa ko ito giliw
Madalas nakawin ang tingin
Lapastanganin ang oras sa tuwing
Imbes na mamahinga'y sasaglit
Makita lamang ang mukha ng langit
Nilabag ko ang karapatang pantao
Sa tuwing ilalarawan ko na magkasama tayo
Habang naglalakbay sa isipan ko
Nahawakan ko doon ang mga kamay mo
Dinakip kita sa piling ng iyong ina
Habang tinatakasan ko ang sigaw ng iyong ama
Dahil sa pag-iisip ko ng mga ito
Marami na akong kasalanan mula sayo
Kung sakaling ako'y iyong dakpin
Pakiusap ikulong mo ako sa iyong damdamin
Handa akong mabilanggo kahit na mag-isa
Dahil yun naman talaga ang plano ko, matagal na
