PH
"Supling nitong gabi"
Lumipas na naman ang araw, sa lalim nitong gabi
Parang kanina lamang, ang init na dumadampi
Nabalutan ng dilim, ang liwanag na natatangi
Ganito ang buhay ko, nang di na kami nagtabi
Hindi ko inasahan, ang iyong pagdating
Supling ka ng aking, nagdurugong damdamin
Nais man kitang lisanin, subalit hindi maaari
Kung kayat heto ako ngayon, panindigan at manatili
Hinubog mo ang pagkatao ko, bilang isang malungkot
Unti-unti na masasanay, sa pighati at poot
Napalitan na ng negatibo, ang mga positibong bagay
Ang dating tayo, ay tuluyan nang naghiwalay
Ikaw gabi, madilim ka man sa paningin
Ni minsan, hindi ko namalayang akoy iyong lisanin
Sa pagbalot mo, at paggugol mo
Pinapahinga mo, ang puso ko
Kung ikaw man ang kapalit, ng babaeng inibig ko
Ikaw gabi na narito, huwag sanang lumisan sa piling ko
Sapagkat ikaw lamang, ang di sa akin nang-iwan
Tuwing maglalaho na muli, ang sikat ng araw
