PH
"Basahan"
Maliit pa lamang ako
Dinanas ko rin ang paghusga sa mundo
Mga hindi makatarungang salita
Kung saan binibigkas ng iba
Laman ako ng pangungutya
Hindi makatao ang turing nila
Sinasaktan ako hindi man pisikal
Kundi sa salita nila dinadaan
Alipin ako ng kaduwagan
Hindi makaimik ni hindi makalaban
Sa mga kutya sa akin ng iba
Halos imudmod na ako pababa
Subalit hindi ito naging hadlang
Upang pakinggan ko ang kanilang pabalang
Mahina man ako sa pisikal nilang alam
Babangon ako hanggat ang nais ko ay makamtan
Itinuring man nila akong parang damit na pinaglumaan
Mananatili pa rin na aking silang pagpasensyahan
Pagkat alam ko sa sarili ko sila'y may hangganan
Dahil walang dumi o putik ang di kayang linisin ng basahan
