PH
"diba? o di na?"
(di matapos na tanong sa matalik kong kaibigan noon)
Umaga na naman, gising ako sa sabik
Pagbangon ko, parang kay lamig
Hikab ng labi, sakin ay kumalabit
Mga hakbang, tila parang nasa langit
Almusal ko, ang aking pag-asa
Masilayan kong muli, tanawin ng ligaya
Ngiti na naglalakad, malayong nakikita
Ang siyang bumubuo, lungkot tumitila
Tinapos ko agad, misiyon sa aming bahay
Pagligo nang may ngiti, paghilod hinay-hinay
Pagbihis sa aking puso, pagsuot ng pantalon
Tinapos ko ito, at may pagmamadaling pabaon
Sa biyaheng mahaba, tila di alintana
Pagkat alam ko na, tama ang aking mapa
Patungo kung saan, ligayang ating tagpuan
Ang siyang tinuring ko, sagradong hantungan
Nang ako'y makarating, tila natupad aking hiling
Naroon ka na nga, at ako'y tila nasa piging
Nahuli man ako, hinintay mo pa rin
Para bang hindi totoo, nakangiti ka pa sa akin
Kaibigan kita diba? subalit ang nadarama
Higit pa rito ang aking, sayo ay pagsinta
Bawat pagyakap mo sa akin, may kahulugan para sakin
Magkaibigan ba talaga? ang tingin mo sa atin
Tuwing tatalikod ka, at ang klase ay mag-umpisa
Labis akong nangangamba, dahil mahal na kita
Higit pa sa alam mo, kaibigan na akala
Magtatagpo pa tayo diba? o baka bukas di na?
Mad`PoetMotivator
