PH"Ang Aking Inspirasyon"
(noon at ngayon)
Minsan nang tumatak at nagbigay sakin ng aral
Kung paano maging masipag at magsumikap sa pag-aaral
Isang bagay na labis kong kinahiligan
Ang nagsilbing inspirasyon sa bawat araw na magdaan
Dahilan upang ako'y umuwi ng maaga
Dahilan upang mapalayo sa barkada
Bagay na hindi ko maikukumpara
Sa anumang materyal o laro sa kalsada
Ang humanga sa bawat aksyon sa buhay
Ang lumaban sa anumang dagok na walang humpay
At kung papaano maging isang mahusay
At magiting sa sariling pamumuhay
másáráp sa pakiramdam ang aking pagkabata
Mga bagay na nakikita'y parang kayang-kaya
Ngunit di kalauna'y unti-unti ko ring naiintindihan
Ito'y istorya lamang na aking kinagisnan
Nakaraan ma'y aking lilingunin pa rin
Pagkat ito ang nagbigay inspirasyon sa akin
Kung ano ako dati at ano ako ngayon
Pagkabata ko'y babaunin ko habang panahon
batang 90's ako.
at gusto ko ibahagi kung ano ang isang bagay sa pagkabata ko ang
naging inspirasyon ko bilang isang masipag na mag aaral.
dahil sa anime na to natuto akong maglinis, magluto, magsipag,
magsunog ng kilay, umuwi ng deretso, tapusin agad ang takdang
aralin sa tamang oras bago pa mag umpisa ang palabas.
mga bagay na akala mo di mo kaya pero pag nagawa mo na. kaya mo
pala.
kaya mo pala pero tamad ka lang. yan yung isa sa rason kung bakit
may mga kabataan noon na hindi makaangat sa kanilang kinatatayuan.
mga batang hindi magawang gawin ang mga bagay na kaya naman talaga
nila
at sana. naman dito sa makabagong henerasyon ay huwag sanang
hayaang malamon tayo ng teknolohiya sating sitwasyon.
napakatinding dagok at katamaran ang idudulot nito.
ikaw? anong 90's anime ang inspirasyon mo?
Mad`ThePoetMotivator