PH
"Multo nitong Pag-ibig"
DUMATAL ka saking buhay, isang biyaya
Masaya ako tuwing lagi kang nakakasama
Mga tawa mong daig pa YARING kalsada
Mga problemang magdating di ALINTANA
Ako'y takot sa aking AGAM-AGAM
Itong BAHAGDAN sana'y di magkulang
Hinala ko'y di sana maglisan
Tulad mo sa buhay ko'y minsan lamang
NAAPUHAP ko ang aking sarili
Simula nang ika'y sakin nanatili
Saking bisig at panaginip
Diwatang hiling aking iniibig
SAPANTAHA ko ika'y lilisan ka
Pagkat sabi mo ito'y oras na
Lumisan ka nga't nag-iwan pa
Regalong labis sakin nagpapaluha
Para bang NABUSLOT sa paglalakad ko?
Di malaman san ako patungo
Ako'y nakulong nabalot sa dilim
Ito pa kayang sakit ako'y lilisanin?
ADHIKA ko ang makalimot na
Ngunit bakit nariyan ka pa?
Tuwing ako'y maglakad mag-isa
Bawat hakbang ko'y naaalala ka
Akala ko ba'y walang hanggan?
Bakit gayong BALINTUNA pala?
Nangako ka saking pagsinta
Kung ika'y lilisan din pala
Patay ka na sating pag-ibig
Bakit ganon ika'y panaginip?
Mga gawi at iyong ngiti
Saking isip laging sumasagi
Umaga ma'y parang kay dilim
Magparamdam ka'y napakatulin
Madalas nang manlamig itong pag-ibig
Pagkat wala ka na saking bisig
Nobyembre na naman o anong sakit
Pait at hapdi nitong sinapit
Naaalala pa iyong PAGHALIPAROT sa'kin
At 'yong mga matamis na pagtitig
Napakadaya mo aking inibig
Paglisan mo'y wala saking hiling
Naglaho ka nga ngunit nag-iwan pa
Imbes ako'y sasaya, lumuluha pa
Nais ko sanang itigil mo na
Itong lamig ng hangin, pagpaparamdam
Pagkat nais ko nang makalimutan
Iyong ginawa saking kanlungan
Pakiusap ko sa paglalakbay mo
MATITIMO mo sana ang ngalan ko
Na minsa'y itinatak sa puso mo
Ngalang minsa'y nagmahal ng totoo
Spoiler contents are visible only to Established Members.
Spoiler contents are visible only to Established Members.
MABAGSIK NA LIKHA NI:
Mad`ThePoetMotivator
