PHAldrian-PHC
Established
Hindi lang pala kilig at sweet moments ang naibigay ni Bianca Umali sa buhay ni You do not have permission to view the full content of this post. Log in or register now..
Tila pati ang pananaw ng Kapuso actor sa pag-ibig at pagpapakasal ay nabago rin ng kanyang nobya.
Sa isang episode ng podcast ni Bianca na “Simply, B Podcast” na may titulong “Paano Ako Natutong Magmahal?”, naging bukas si Ruru sa kung paano siya unti-unting natutong maniwala na may taong talagang nakalaan para sa bawat isa.
“‘Di ba dati parang ‘yung mga matatanda, may kasabihan na mahahanap mo rin ‘yung katapat mo. ‘Di ba laging may ganon, so doon ko napatunayan na totoo pala talaga ‘yun,” sey ng aktor.
Aminado rin si Ruru na isa siyang hopeless romantic, pero noong mas bata pa siya ay hindi niya inakalang darating ang puntong gugustuhin niyang makasama ang iisang babae habang-buhay.
Nagbago ang lahat nang makilala niya si Bianca.
“Noong nakilala kita, kung paano ka mag-alaga, hindi dahil nasa podcast tayo ngayon at sinasabi ko ‘to. Pero totoo ‘yun, parang every time na kinukwento ko rin sa mga kaibigan ko, sa pamilya ko, meron talagang darating sa buhay mo na magpapabago ng pananaw mo sa buhay,” pagtatapat niya.
Para kay Ruru, hindi lang basta pagiging maalaga ni Bianca ang nakapagpaiba sa kanyang pananaw.
Habang mas nakikilala niya ang aktres, mas naging malinaw sa kanya kung anong klaseng pagmamahal at relasyon ang gusto niya.
“Bilang isang tao, mararamdaman mo na lang na ito ‘yung gusto kong makasama habang buhay,” sambit ng binata.
“Pero ayun nga, binago mo. Binago mo kung sino ako. Binago mo kung papaano ko tignan ang pag-ibig, ang pagmamahal,” mensahe pa ni Ruru kay Bianca.
Hindi rin pinalampas ni Ruru ang pagkakataong iparamdam kay Bianca kung gaano siya nagpapasalamat na dumating ito sa kanyang buhay.
Ayon sa aktor, palagi niyang ipinagdarasal at ipinagpapasalamat ang kanilang relasyon.
“Lagi ko rin naman sinasabi sayo na ikaw talaga ‘yung greatest blessing na natanggap ko sa buhay ko,” pagmamalaki niya.
Mas naging makahulugan ang mga pahayag na ito dahil kamakailan lamang ay ipinagdiwang nina Ruru at Bianca ang kanilang walong taon bilang magkasintahan.
Nagsimula ang kanilang relasyon noong 2018 at hanggang ngayon ay nananatiling matatag ang kanilang pagsasama.
Magugunitang naging usap-usapan din kamakailan si Ruru matapos kumalat ang isang panayam kung saan napag-usapan ang tungkol sa cheating.
Sa kabila ng ingay na nilikha nito online, tila piniling huwag patulan ni Bianca ang kontrobersiya.
ctto: Bandera/Inquirer