PHXenon Caelum
Established
1998, nang mapabalita ang pagkawala nina Joy Luna, 16 years old at Lara Luna, 20 years old, huling namataan ang dalawa ng magkasama sa labas ng isang Private School noong July 23, 1998 kung saan sinundo ni Lara ang kanyang 4th year High School na kapatid.
Kinahapunan, hindi na nakita pa ang magkapatid at maging ang sasakyang lulan ang mga ito. labin-dalawang taon na ang lumipas ngunit umaasa pa rin ang pamilya Luna na matatagpuan paring buhay ang magkapatid. Pinabukas muli ang kaso at sinimulan muli ang masusing imbestigasyon, hinawakan ito ng Police Inspector na si Luis Medina.
(2010) Nagkataon namang may nawawalang tatlong High school students ng sumunod na araw. Ang magpinsang sina Ella Salvador at Janine Capulong at ka-eskwela nilang si Brian de Jesus, bago pa naglaho ang mga ito, nakatawag pa si Ella sa kanyang ama at sila raw ay naliligaw at hindi na makalabas ng kagubatan.
Ayon sa amang tinawagan, sinabi ng kanyang anak na hindi sila makaalis sa kinalalagyan nila at aminadong ginamit pa ang kanyang kotse na bukod sa walang paalam ay mga minor de edad ang mga ito para magmaneho, ang lugar na nabanggit ay isang madilim na kalye na konektado sa isang Highway.
Agad na kumilos ang kapulisan at hinanap ang tatlo, pinasok ang kalsadang nabanggit sa tawag ni Ella, ito ay ang kalsadang matagal nang sinara sa publiko at wala ng sinumang nagtangkang pumasok lalo na pagsapit ng gabi dahil sa dilim at sukal ng daan dito, dagdag pa ang mababanging parte nito.
Natagpuan ang mga wala ng buhay na sina Janine at Brian malapit sa sinakyan ng mga ito, ngunit si Ella ay hindi pa natataggpuan. Hanggang sa madiskubri ng kapulisan ang isang lumang sunog na sasakyan sa pangunguna nina Police Inspector Luis Medina, Senior Police Officer IV Greg De Leon at SPO1 Allan Cervantes, kasama ang kanilang Hepe.
Ang sasakyang tinukoy ng Pulisya ay ang mismo palang sasakyang nakarehistro sa isang Lara Luna, ito ang mimong kotse ng nawawalang magkapatid noong 1998. Sa pag-iimbestiga nila, ang buto’t kalansay na nakita sa backseat ng sasakyan ay walang iba kundi ang kalansay ni Lara Luna. Kinumpirma ito ni Mrs. Antonette Luna, ang kwintas na nakasabit sa kalansay ay pag-aari mismo ng kanyang anak.
Ngunit ang malaking tanong? bakit natagpuan ang kalansay nito sa backseat kung s’ya naman ang nagmamaneho noong nawala ang mga ito, at ayon pa sa karagdagang imbestigasyon, ang sasakyan ay tumama sa isang malaking puno malapit sa bangin na sanhi ng pagtagas ng gasolina na ikasunog ng biktima ng buhay.
Isa pang katanungan ay nasaan ang kapatid nitong si Joy Luna? Bakit wala s'ya sa sasakyan? Buhay pa kaya ito?
Lumipas ang mga araw, hindi pa rin natatagpuan si Ella, nailibing na ang dalawa nitong kaklase ngunit si Ella ay hindi pa rin nakikita. Bumuo ng Task Force ang probinsya para mahanap ito, hanggang sa matagpuan nila ang isang misteryosong lumang-bahay, isang lumang-bahay sa gitna ng kagubatan?
Ginalugad nila ang lumang bahay at nagbakasakali na ang piping-saksing bahay ang s'yang maging sagot sa pagkawala ni Ella. Walang anu-ano’t may nagsisigaw na babae, buhay pa pala talaga si Ella na agad na tumakbo sa kanyang ama at yumakap, hanggang bigla itong nagsasalita ng kung anu-ano.
Ang mismong salitang nagmula kay Ella ay “ Pinalo kami ng isang lalake sa ulo, nanghihingi lang naman kami ng tubig ng kapatid ko “ iyak ito ng iyak at takot na takot. Nagulat ang mga pulis maging ng ama nito, dahil sino ang kapatid na tinutukoy nito’t gayong nag-iisa lang s’yang anak at sino ang sinasabi n’yang pumalo sa kanilang ulo?
Hanggang sa bumalik si SPO1 Allan Cervantes at Police Inspector Luis Medina sa lumang-bahay, at muling sinuyod ang lugar. Napansin nila ang isang kwartong nakakandado, pinilit nila itong buksan, tumambad sa kanila ang isang silid na napakalinis at pulido ang pagkakaayos ng mga gamit, tanda na mayroong kasalukuyang nakatira sa kwartong iyon.
At ang kagimbal-gimbal ay may uniporme ng isang pulis, peak-cap at medalya sa lamesang katabi ng higaan, bigla-bigla’y sinakal ni Medina si Cervantes, binalutan ng kung ano ang mukha at tinalian ng sinturon ang leeg at sinakal hanggang sa mamatay.
Lumabas si Medina na parang walang nangyari at ng dumaan ito sa kinalalagyan ni Ella na kasalukuyan tinatanong ng pulis na “ Sino ba ang sinasabi mong pumukpok sa’yo?“ biglang tinuro ni Ella si Inspektor Medina.
Binunot ni Medina ang baril ngunit ang naputukan ay ang kanilang Hepe, agad na kumaripas ng takbo at sabay sakay sa sasakyan nito at humarurot sa pagmamaneho, hanggang sa huminto ito bigla sa kalagitnaan ng gubat.
Natagpuan na lamang ang Police Inspector na may tama ng baril sa kanyang ulo, indikasyon na kinitil n’ya ang kanyang sariling buhay. Mula noon naging palaisipan pa rin ang kaugnayan ng pagpapatiwakal ng inspektor.
Unang tanong, bakit n’ya pinatay sa sakal ang kasamahang pulis at dinamay pa ang kanilang Hepe? Ikalawa at ikatlo, ano ang kaugnayan n’ya sa pagkawala ng magkapatid na Luna noong 1998 at pagkamatay ng magkaklaseng sina Janine Capulong at Brian de Jesus?
Kinabukasan, walang matandaan si Ella, maging ang pagtuturo n'ya daw sa nagpakamatay na Inspektor. Maraming katanungan ang iniwan ng pangyayaring ito na hindi naipaliwanag. Ang kasong tila patuloy na magiging misteryo na sana’y hindi mailibing ng panahon ang tunay na pangyayari at katotohanan.
Ilang taon na ang lumipas matapos matagpuan ang kalansay ni Lara sa sasakyan nito. isa pa rin ang dasal ng mga Luna, na sana’y buhay pa rin si Joy. Patuloy na umaasa't aasa, hanggat walang magpapatotoo na ito'y wala na.