Lubos po kaming nagpapasalamat sa PNP lalo na sa CIDG sa kanilang mabilis na pagdakip sa salarin.
Salamat din po sa Court of Appeals sa kanilang pag walang bisa sa piyansa ni Baldo, sa Supreme Court sa pagsang-ayon sa C.A., at kay Judge Aceray Pacheco sa paglabas ng warrant of arrest ng walang pagkaantala.
Kun matatandaan noong 2019 ay napag-bigyan piyansa ang mastermind kahit ang murder ay isang NON-BAILABLE OFFENSE, inilaban po namin ito ng tama gamit ang kaalaman sa batas at nung 2023 napabaliktad namin ang desisyon sa CA na ngayon ay sinangayunan ng Supreme Court. Sumusunod lang po kami sa proseso at wala po kaming kakayanan na idikta kun anong oras lalabas ang warrant. Kaya sana mabigyang linaw ang mga nagsasabing “binubuhay lang ang kaso dahil eleksyon”.
Ang pamilya Batocabe po ay mga simpleng serbisyo sibil, na walang nasa politika kaya ang pag-isyu ng arrest warrant sa isang nakapuwestong mayor ay isang pagkakataon na nakakapaglakas tiwala sa pulisya, hudikatura, at iba pang mga awtoridad. - Justin Batocabe
PH