💕 Dating/Love Kalawakan

[Chizue Mizokuchi]

​

Lahat ay naging kalmado simula ng hawakan ko ang kamay mo

Tila lahat ay naging memoryadong kanta pag ikaw ang kapiling ko
Kinakabisado ang bawat detalye para hindi malimutan
Ninanamnam ang boses mo na tila liriko sa pandinig ko
Saksi ang mga bituin sa kalangitan
At ang buwan ang siyang nagpapatunay ng ating pagmamahalan
Ligid sating kaisipan ang espasyo sa mga nakasalansan na guhit dito
Ang dilim ay binalot ng kakaibang liwanag na dulot nito
Walang pagkakataon na sasayangin pagkat ito ang hangad ko
Ang magakasama ka’t sulitin ang gabing ito
Gawing higaan ng kaisipan ang himpapawid na kumikinang
At nagsisilbing liwanag ang bituin sa itim na kalangitan
Gayon pa may di natin alintana ang abala ng mga nagdaraang kometa
Sapagkat sa iisang tala nakatuon ang ating mga mata
Sa tuwing ang kamay mo ay dadampi sa pasmado kong kamay
Ay nagkakaroon ng silbi at liwanag ang madilim kong buhay
Mahal,maaring ang gabi’y pumanaw at yayao
Ngunit ang pag ibig sayo ay di magbabago
Ang tala man na lagi nating pinagmamasdan ay di magparamdam
Ngunit alam ng langit ang ating pagmamahalan
Minsan mang di natin ito masilayan
At ang mga matay di makulayan
Ang pag ibig ko sayo’y di mababawasan
Gaya ng ganda ng gabi sa tuwing titingin sa Kalawakan​

 

[Dismal]

Makatang makata ka nga. Ganyan yata pag may inspirasyon

 

[Chizue Mizokuchi]

Makatang makata ka nga. Ganyan yata pag may inspirasyon

inspired kasi kasi nakapag snack nang kape hahaha

 

[Dismal]

inspired kasi kasi nakapag snack nang kape hahaha

Tubig lang kasi ang iniinom ko kaya siguro wala akong naramdaman.