PHPamintangdurog04
Elite
HUWAG TAYONG MAG-ALALA, KASAMA NATIN ANG DIOS!!!
* Mateo 6:31-34*
31 “Kaya't huwag kayong mag-alala na baka kayo kapusin sa pagkain, inumin o damit. 32 Hindi ba't ang mga Hentil ang nababahala tungkol sa mga bagay na ito? Alam na ng inyong Ama na nasa langit na kailangan ninyo ang lahat ng ito. 33 Ngunit higit sa lahat ay bigyang-halaga ninyo ang kaharian [ng Diyos] at ang pamumuhay nang ayon sa kanyang kalooban, at ibibigay niya sa inyo ang lahat ng mga bagay na ito.
34 “Kaya nga, huwag ninyong alalahanin ang bukas; sapagkat ang bukas ang mag-aalala sa sarili niya. Sapat na ang inyong mga suliranin sa bawat araw.”
Mapagpalang araw po sa ating lahat mga kapatid, muli po tayong magnilay ng mga Salita ng Dios.... Paano nga ba tayong hindi mababalisa? Pwede ba itong mangyari?.. Lalo na ngayong halos isang taon at kalahati na tayong nakikipagbuno sa pandemyang ito na covid 19? At bukas ay maaring ipatupad na naman ang ECQ,.? Parang pakiramdam natin hindi na matatapos ito, kaya marami ang labis na nababahala, hindi na kayang suportahan ng gobyerno ang kakulangan ng trabaho at ating mga pangunahing pangangailangan... Saan tayo kukuha ng lakas ng loob na harapin ito? May mga ilan tayong pwedeng gawin upang hindi po tayo magapi ng pagkabalisa.
Una, magtiwala sa Diyos. Kung hindi pinababayaan ng Diyos ang mga hayop at halaman, lalong hindi niya pababayaan ang mga taong inuuna ang pagsamba sa kaniya. (Mateo 6:25, 26, 28-30) Ikalawa, intindihin lang ang mangyayari sa bawat araw. “Huwag kayong mabalisa tungkol sa susunod na araw,” ang sabi ni Jesus, “sapagkat ang susunod na araw ay magkakaroon ng sarili nitong mga kabalisahan.” Hindi ba’t totoo naman na “bawat araw [ay may] sarili nitong kasamaan”?—Mateo 6:34.
Kung susundin natin ang utos na ito ni Jesus, maiiwasan nating mapinsala ang ating kalusugan. Higit pa riyan, magkakaroon tayo ng kapanatagan—na tinatawag ng Bibliya na “kapayapaan ng Diyos.”—Filipos 4:6, 7.
Pangatlo mamuhay tayo sa kalooban ng Dios, sabi Niya sa ating talata unahin natin ang Kanyang katwiran at kaharian at Siya na ang bahala sa lahat ng ating mga kailangan..
Mga kapatid magtiwala po tayo sa Dios ang mga anak Niya na nagtitiwala sa Kanya ay hindi Niya pababayaan.. ILAGAK natin sa Panginoong Hesus ang lahat ng ating takot Ar pag aalala, hindi tayo iiwanan ng Dios kahit ano pa ang mangyari sa mundong ito.
Ang Dios na pinagmumulan ng lahat ng ating mga biyaya at pagpapala ang Siyang magingat sa ating lahat, ngayon at magpakailanman sa Pangalan ng ating Panginoong Hesus. Amen.
Pastor Ombie Lontoc
* Mateo 6:31-34*
31 “Kaya't huwag kayong mag-alala na baka kayo kapusin sa pagkain, inumin o damit. 32 Hindi ba't ang mga Hentil ang nababahala tungkol sa mga bagay na ito? Alam na ng inyong Ama na nasa langit na kailangan ninyo ang lahat ng ito. 33 Ngunit higit sa lahat ay bigyang-halaga ninyo ang kaharian [ng Diyos] at ang pamumuhay nang ayon sa kanyang kalooban, at ibibigay niya sa inyo ang lahat ng mga bagay na ito.
34 “Kaya nga, huwag ninyong alalahanin ang bukas; sapagkat ang bukas ang mag-aalala sa sarili niya. Sapat na ang inyong mga suliranin sa bawat araw.”
Mapagpalang araw po sa ating lahat mga kapatid, muli po tayong magnilay ng mga Salita ng Dios.... Paano nga ba tayong hindi mababalisa? Pwede ba itong mangyari?.. Lalo na ngayong halos isang taon at kalahati na tayong nakikipagbuno sa pandemyang ito na covid 19? At bukas ay maaring ipatupad na naman ang ECQ,.? Parang pakiramdam natin hindi na matatapos ito, kaya marami ang labis na nababahala, hindi na kayang suportahan ng gobyerno ang kakulangan ng trabaho at ating mga pangunahing pangangailangan... Saan tayo kukuha ng lakas ng loob na harapin ito? May mga ilan tayong pwedeng gawin upang hindi po tayo magapi ng pagkabalisa.
Una, magtiwala sa Diyos. Kung hindi pinababayaan ng Diyos ang mga hayop at halaman, lalong hindi niya pababayaan ang mga taong inuuna ang pagsamba sa kaniya. (Mateo 6:25, 26, 28-30) Ikalawa, intindihin lang ang mangyayari sa bawat araw. “Huwag kayong mabalisa tungkol sa susunod na araw,” ang sabi ni Jesus, “sapagkat ang susunod na araw ay magkakaroon ng sarili nitong mga kabalisahan.” Hindi ba’t totoo naman na “bawat araw [ay may] sarili nitong kasamaan”?—Mateo 6:34.
Kung susundin natin ang utos na ito ni Jesus, maiiwasan nating mapinsala ang ating kalusugan. Higit pa riyan, magkakaroon tayo ng kapanatagan—na tinatawag ng Bibliya na “kapayapaan ng Diyos.”—Filipos 4:6, 7.
Pangatlo mamuhay tayo sa kalooban ng Dios, sabi Niya sa ating talata unahin natin ang Kanyang katwiran at kaharian at Siya na ang bahala sa lahat ng ating mga kailangan..
Mga kapatid magtiwala po tayo sa Dios ang mga anak Niya na nagtitiwala sa Kanya ay hindi Niya pababayaan.. ILAGAK natin sa Panginoong Hesus ang lahat ng ating takot Ar pag aalala, hindi tayo iiwanan ng Dios kahit ano pa ang mangyari sa mundong ito.
Ang Dios na pinagmumulan ng lahat ng ating mga biyaya at pagpapala ang Siyang magingat sa ating lahat, ngayon at magpakailanman sa Pangalan ng ating Panginoong Hesus. Amen.
Pastor Ombie Lontoc