Ang dahilan eh limitado kasi ang kaalaman ng tao eh why did god leave a message na hindi nakabase sa comprehension level ng tao?? Bakit ung msg nea is pd ma interpret into different meanings?? Lalo kasi nagkaroon ng confusion eh... And why dont he just clear things up once and for all??
Hindi ako naniniwala na "limitado ang kaalaman ng tao" pagdating sa pag-unawa sa salita ng Diyos, in fact, ipinasulat niya ang Bibliya kasi alam niyang maraming matututunan dito ang mga tao.
Roma 15:4
Sapagka't ang
ANOMANG MGA BAGAY NA ISINULAT NANG UNA AY NANGASULAT DAHIL SA IKATUTUTO NATIN, upang sa pamamagitan ng pagtitiis at pagaliw ng mga kasulatan ay mangagkaroon tayo ng pagasa.
Ikinakatuwiran naman ng iba na masyadong mataas ang kaalaman ng Diyos para hindi natin maunawaan ito; dahil sa paniniwalang ito, marami ang nagsasabi na ang mga daan ng Diyos ay mahiwaga. Pero hindi ito totoo.
1 Cor. 2:16
Sapagka't sino ang nakakilala ng pagiisip ng Panginoon, upang siya'y turuan niya? Datapuwa't nasa atin ang pagiisip ni Cristo.
Ang point sa tekstong ito, totoo na hindi natin lubusang maiintindihan lahat ng pag-iisip ng Diyos, pero,
inilaan ng Diyos ang kaniyang Anak, si Jesus, anupat ang mga ginawa at sinabi ni Jesus ay maliwanag na magtuturo sa mga tao kung paano nag-iisip at kumikilos ang Diyos na kaniyang Ama, kaya nga sinabi ni Jesus noon:
Juan 14:9
Sinabi sa kaniya ni Jesus, Malaon nang panahong ako'y inyong kasama, at hindi mo ako nakikilala, Felipe? ANG NAKAKITA SA AKIN AY NAKAKITA SA AMA; paanong sinasabi mo, Ipakita mo sa amin ang Ama.
Hindi ito sinabi ni Jesus para sabihing iisang persona siya at ang kaniyang Ama,
sinabi niya ito upang maipakita na siya ay kumikilos, nagsasalita, nag-iisip kaayon ng pag-iisip ng kaniyang Ama.
Ano ang punto ko dito?
Totoong 'limitado ang kaalaman ng tao' kung ikukumpara sa walang-hanggang kaalaman ng Diyos pero hindi ito nangangahulugan na hindi posibleng maunawaan ng mga tao ang pag-iisip ng Diyos.
Puwedeng-puwede nila itong maunawaan.
Ipinasulat ang Bibliya para sa mga tao; pangalawa, ginamit mismo ang mga tao para isulat ang Bibliya para maintindihan mismo ng mga tao ang mga salitang ginamit dito.
Isipin ito, kung ang mga anghel ang nagsulat ng
Bibliya, mauunawaan kaya talaga nila ang pinagdaraanan nating mga tao?
Halimbawa, masasabi din kaya nila ang sinabi ni Job?
Job 19:20
Naging buto’t balat ako, At halos mamatay na ako.
Gayundin, kung isang anghel ang sumulat ng ulat tungkol kay Jonas, lubusan kaya niyang mailalarawan ang nadama ni Jonas nang takasan nito ang atas na ibinigay ng Diyos?
Hindi ba't mas mabuting kay Jonas mismo ipinasulat ang karanasan niya, pati na ang marubdob niyang panalangin sa Diyos mula sa kalaliman ng dagat!?
Kaya, ang point,
itong Bibliya ay inilaan talaga para sa mga tao, ipinasulat mismo sa mga tao, kasi alam ng Diyos na mauunawaan ito ng mga tao.
Pangalawang tanong:
BAKIT UNG MSG NEA IS PD MA INTERPRET INTO DIFFERENT MEANINGS??
Nakadepende kasi ito sa pag-unawa ng tao sa buong konteksto ng Bibliya at sa mensahe ng Bibliya mismo.
Gaya ng nabanggit ko na, kung hindi nauunawaan ng mambabasa ng Bibliya ang layunin ng Diyos para sa mga tao, na isiniwalat Niya sa pasimula ng kasaysayan ng tao, at mas nagfocus sa huling mga bahagi ng aklat ng Bibliya, hindi niya talaga ito lubusang mauunawaan.
Sa halimbawa na binigay ko, parang panonood ng pelikula yan na ang nasimulan ng panoorin ay ang kalagitnaan sa halip na ang simula. Hinding-hindi niya maiintindihan ang buong konteksto ng pelikula at ang mensahe mismo na gustong sabihin ng direktor sa mga manonood.
Sa katulad na paraan, ganoon din sa Bibliya.
Magbigay tayo ng isang halimbawa na dahil hindi isinasaalang-alang ang konteksto ng lahat ng Kasulatan, nagkakaroon sila ng maling unawa o interpretation.
Sinasabi ng mga ateista na nagkakasalungatan ang Eclesiastes 1:4 at ang 2 Pedro 3:10, dahil sabi sa Ecl. 1:4, mananatili ang lupa magpakailanman, samantalang sa 2 Pedro 3:10, susunugin ang lupa sa apoy.
Yamang maraming relihiyon ang naniniwala sa huling nabanggit, na gugunawin ng Diyos ang lupa, sa pamamagitan ng apoy, isinasantabi nila ang naunang kapahayagan ng Diyos sa Eclesiastes 1:4 kung saan maliwanag na isinasaad ng Bibliya na "ang lupa ay mananatili magpakailanman."
Ito ang dahilan kung bakit ikinakatuwiran at naiisip ng mga ateista na nagkakaroon ng salungatan sa salita ng Diyos dahil sa ganyang mga turo.
Pero ano ang itinuturo talaga ng Bibliya?
Na ang lupang ito ay mananatili magpakailanman, dahil ayon mismo sa salita ng Diyos, sa Isaias 45:18
Isaias 45:18
Si Yahweh ang lumikha ng kalangitan, siya rin ang lumikha ng daigdig, GINAWA NIYA ITONG MATATAG AT NANANATILI, AT MAINAM NA TIRAHAN. Siya ang maysabing, “Ako si Yahweh at wala nang iba pang diyos.
Oo, ginawa ng Diyos ang lupa, o daigdig, na matatag at nananatili, at MAINAM NA TIRAHAN.
Ano pa?
Sino ba talaga ang pupuksain ng Diyos, ang lupa ba, na wala namang kasalanan, o yung mga tao na hindi sumasamba at sumisira pa nga sa lupa?
Tingnan natin ang sinasabi ng huling aklat ng Bibliya:
Apocalipsis 11:18
Pero ang mga bansa ay nagalit, at ipinakita mo ang iyong galit, at DUMATING ANG TAKDANG PANAHON PARA hatulan ang mga patay at gantimpalaan ang iyong mga aliping propeta at ang mga banal at ang mga natatakot sa pangalan mo, ang mga hamak at ang mga dakila, at IPAHAMAK ANG MGA NAGPAPAHAMAK SA LUPA.”
Ang punto ng tekstong iyan, ang ipapahamak o lilipulin ng Diyos ay yaon lamang NAGPAPAHAMAK SA LUPA, o sumisira sa lupa.
Balikan natin yung 2 Pedro 3:10, sa konteksto nito, sino talaga ang pupuksain ng Diyos?
Tingnan natin yung 2 Pedro 3:7,
2 Pedro 3:7 (MBB)
Sa pamamagitan din ng salitang iyon ay nananatili ang mga langit at ang lupa upang tupukin sa apoy pagdating ng Araw ng Paghuhukom at PAGPAPARUSA SA MASASAMA.
2 Pedro 3:7 (Ang Dating Biblia, 1905)
Nguni't ang sangkalangitan ngayon, at ang lupa, sa pamamagitan ng gayon ding salita ay iningatang talaga sa apoy, na itinataan sa araw ng paghuhukom at NG PAGLIPOL SA MGA TAONG MASAMA.
Kaayon din ito ng sinasabi ng manunulat ng mga Awit
Mga Awit 37:9-11
[9] Ang nagtitiwala kay Yahweh, mabubuhay, ligtas sa lupain at doon tatahan, ngunit ang masama'y ipagtatabuyan.
[10] Hindi magtatagal, sila'y mapaparam, kahit hanapin mo'y di masusumpungan.
[11] Tatamuhin ng mga mapagpakumbabá, ang lupang pangako na kanyang pamana; at sa lupang iyon na napakasagana, ang kapayapaa'y matatanggap nila.
Mga Awit 37:29
[29] Ang mga matuwid, ligtas na titira, at di na aalis sa lupang pamana.
Sa mga nabanggit, maliwanag na hindi ang mismong lupa ang lilipulin ng Diyos, kundi, ang mga taong gumagawa ng masama, mga taong sumisira sa lupa, at mga taong hindi naglilingkod sa tunay na Diyos o hindi gumagawa ng kalooban niya.
Oo, ang lupang ito ay inanyuan ng Diyos para gawing permanenteng tirahan ng mga taong sumusunod sa Diyos,
gaya din mismo sa pasimula ng kasaysayan ng tao kung saan nilayon ng Diyos sina Adan at Eva na gamitin ang kanilang kalayaan para sumunod sa Diyos at manirahan sa lupa magpakailanman, at hindi nagbago ang layunin na iyon ng Diyos para sa lupa at sa mga tao.
Ngayon, ano ang point ko dito?
Dahil hindi isinasaalang-alang ng karamihan sa mga relihiyon ang konteksto ng buong Kasulatan at ng mensahe mismo ng Bibliya, hindi nila ito lubusang naiintindihan at nagkakaroon ngayon ng salungatang interpretasyon sa sinasabi ng Bibliya.
Pero, gaya ng aking paniniwala, ang Bibliya mismo ay kayang magpaliwanag sa sarili nito, though, hindi ito literal na nagsasalita para magpaliwanag, pero, sa pamamagitan mismo ng Kasulatan, kaya nitong ipaliwanag ang iba pang bahagi ng Kasulatan upang ipakita na hindi nito sinasalungat ang sarili nito.
...
Last na tanong:
[why dont he just clear things up once and for all??]
Sagutin ko to sa sunod
Medyo marami na din kasi ang naibangon mong tanong, so, iisa-isahin ko muna iyon, at kung may pagkakataon, gagawan ko ng thread yung iba mong tanong ..
PH
hindi pala welcome d2 na pagmay napasin ka na mali pede mo ibalik , cge na nga hahayaan q na kayo d2 ,natutuhan q lang kase na kung gusto mo mahanap ang totoo , magsaliksik ka ,kasama pagtatanong doon at pagbibigay ng nalalaman mo.,pero cge as u wish ..kung bawal pala ,.ingat na lang sa lahat.