PHAccording to PEP.ph
Hindi ikatutuwa ng fans nina James Reid at Nadine Lustre ang balitang hiwalay na ang real-life lovers dahil sa “irreconcilable differences.”
Ang breakup nina James at Nadine ang unang malungkot na balita sa Philippine showbiz sa pagpasok ng taong 2020.
Tiyak na hindi ito basta matatanggap ng JaDine fans na umasa at naniwalang may forever sa kanilang mga iniidolong artista, kaya ang mga ito ang magkakatuluyan.
Hindi lingid sa malalapit na kaibigan nina James at Nadine ang naganap na hiwalayan, na hindi pa inaamin ng dalawa sa publiko.
Ayon sa isang malapit na tao kina James at Nadine ay nag-alsa balutan at umalis na si Nadine sa bahay ni James sa Quezon City, na naging saksi sa pagmamahalan ng dalawa sa loob ng ilang taon.
Sa mga interbyu noon kina James at Nadine, hindi nila itinanggi ang balitang nagsasama na sila sa iisang bubong.
Kapansin-pansin ding walang posts sa social media sina James at Nadine na magkasama sila nitong nagdaang Pasko at Bagong Taon.
Ang pinakahuling post ni James ng larawan kung saan kasama niya si Nadine ay noon pang Halloween 2019.
Pasok mga ka chismis! What's on your mind?
Break na nga ba o pakulo lang ito?
