PHdoppleghost
Fanatic
naalala mo pa ba nun?
tinutukso ka nila ng ganun
para bang isang kriminal
at salot sa lipunan.....
sabi nila, wala ka na raw'ng
mararating
kasi mga mata mo'y duling
"eh ano ngayon kung duling??"
matigas mong diin
"paki ba nila!", sabi mo
"eh, buhay ko naman to"
"oo nga!",sabad ko naman
dito sa tabi at nakikiramdam
nag-iinuman tayo dito
sa tindahan ni Mang Lito
sabay pa nga tayong nagtawanan
at magkuwentuhan nang walang kabuluhan
iilang taon na rin
kamusta ka na?
hayan naglulunoy ka na
sa karangyaang iyong tinatamasa
di ba tama ang sapantaha ko?
sa buhay na tinatahak mo
'kako di duling ang mundo mo
at pantay maghusga ng tao..
o,tingnan mo!
magara na ang tsikot mo
di mo na binabaybay ang maduming kanto
pero di ka pa rin nag-iba
ikaw parin ang neneng aking katoma