✍️ Arts/Lit Akala Ko'y Ok Na, Yun Pala Hindi Pa

[10reason]

collaboration with gantsilyo101

gantsilyo101

Nagkukulong sa isang madilim na kwarto
Nakapikit pero nasisilayan ang litrato
Larawan ng pagmamahalan
Tila anino na laging sinusundan.

Nagkahiwalay tayo, mundo ko'y biglang gumulo
Naging karamay ang pulang kabayo,
Sigarilyo na kasing-taba ng tabako
Dating mataba ngunit biglang nangayayat
Lubos kong inisip ang lahat-lahat.

Dumaan ang ilang taon
Tayo'y nagkita sa di sinasadyang pagkakataon
Akala ko'y ok na, yun pala hindi pa
Sugat at kirot ng puso ko andito pa.

10reason

Buong akala ko'y okay na ang lahat, yun pala'y hindi pa
Kahit iyong naisip na ako'y magkakandarapa
Para lang ika'y magbalik at ako'y mahalin muli
Ngunit ayoko na talaga dahil ika'y naging makasarili

Ang iyong nais lamang ay mabigyan ng isang papuri
Pasensiya dahil ako'y hindi na muling magpapakatanga
Habang buhay kang nakatitig at nakatingala
Walang mangyayari kahit humiling ka pa sa mga tala.

Hangga't maaga itigil na ang kahibangan
Sapagkat ang pasensiya ko'y maaring maubos
Magmumukha kang kawawa na kagaya ng isang batang musmos.

Galit ang aking nararamdaman dahil sa iyong kahangalan
Binibigyan kita ng permiso para magdasal
Kahit anong oras buhay mo'y pwede kong wakasan.

10142013