PH
"Kung hindi tayo para sa isa't-isa"
Heto nanaman, pusong tila sugatan
Hanggang sa ngayon, di pa nasagutan
Sa mga tanong na nais madugtungan
Na nais mahantungan ng salitang katapusan
Sa mga tanong na bakit?
Sa di masagot-sagot na kahit
Na kahit alam mo na kung bakit
Pero pinipilit mo pa rin ng subalit
Na tila ba mas malalim pa sa lalim
Ang mga katagang sumisisid sa isip
Mga di mabilang na paano
Paputol-putol na mga plano
Ganyan ang isip mo
Susundan ng kung anu-ano
Na di naman dapat mapagtanto
Kaibuturan ng damdamin mo
Nang nakatagpo ka ng hindi mo
Tingin mo hindi mo gusto
Ngunit darating si SUBALIT
Kaya yung HINDI nasapawan na ng BAKIT
Bakit nga ba bigla na lamang?
Nagbabago ang damdamin at nilalaman
Akala mo wala pero mayroon
Akala mo nandito yun pala ay nandoon
Nang nakilala kita, kung saan
Nakatapak tayong dalawa, sa nagdaan
Lupa man o sementado ang daan
Iisa pa rin ang ating nilalakaran
Kung maaari lang maging atin
Ang sinasabi nilang isang layunin
Pahintulot mo ba'y ibibigay?
Nang sa gayon ang tayo ay maging bagay
Tutol man ang panahon sa akin
Nang mapasayo itong aking damdamin
Hindi man sang-ayon ang panahon
Subalit, di ako papapigil kahit maglaon
Wala nang BAKIT na maririnig sa gagawin ko
Wala nang KAHIT na madidinig sa tatalakaayin ko
Wala nang SUBALIT na madadatnan mo
Pagkat ang NGUNIT ay iwan para sayo
Wala naman dapat katumbas na tanong
Kung sa pagdating lamang sa ating relasyon
Hindi naman natin kailangan sila
Upang magkaintindihan tayong dalwa
Maraming paraan kung ating susubukan
Hindi hadlang ang kahirapan
Kung tunay nga ang ating nararamdaman
Hayaan na nating gawin ng masubukan
Pagkat ang pagdating ng di inaasahan sa buhay
Ay minsan lamang ito na maging patunay
Na kahit hindi tayo para sa isa't-isa
Gagawa ako ng paraan para maging tayong dalawa
-Madpro
https://phc.onl/#forbidden#/hrM-Bkm4c_I
