PH
"Dati mababa ka lang, ngayon mataas ka na"
(puso at isip)
Nakakatuwang isipin, sa bawat araw na pagningnig
Pumukaw sa aking mga mata, ang tila ba lugar na mapayapa
Bawat pagdapo nitong paningin, sa labi mo ako naidlip
Dala na siguro ng iyong pagngiti, kaya ba ako ngayon di mapakali
Literal na walang lasa, ang pagdulog ng iyong mga mata
Subalit para sa akin, doon ko lamang natikman ang tamis ng pagtingin
Dinaig mo pa ang paborito ko, at ngayon ikaw na ang pumalit dito
Hinahanap-hanap ko na, mga di ko maipaliwanag na pandama
Sa sandaling nakilala ka, at sa unang beses na nakita kita
Halos kasing baba mo lang, ang isa sa mga parte ng aking katawan
Ang parteng ito, ang siyang tinamaan mo
Ito ang puso ko, at ang tinutukoy ko
Ang panahon ay nagpatuloy na nga, unti-unti na tayong tumatanda
Di ko napansin, ang pagbilis mong pagtaas
Na dati akala ko, mananatili ka nalang ganyan kataas
Nagkamali nga ako, at lalo ka pang naging mataas
Kung dati, ay nasa puso pa kita
Kasing baba mo ito, at yun ang aking nakikita
Ngayon tila lahat ay nagbago na, at sa taas mo'y namangha
Di ko inalintana, nasa isip na pala kita
-Madpro