PH
"Pagtutugmain ko ang sintunado nating mga puso"
Marahil hindi tayo para sa isa't-isa
Mahirap man maglapit ang langit sa lupa
Subalit sila ay konektado
Sa pagpatak ng ulan nagkakatagpo
Parang ganyan ang sitwasyon natin
Langit ka man sa aking paningin
Ramdam ko ang luha mo tuwing papatak ito
Dahil ako ang lupa, siyang binabagsakan nito
Maraming paraan para magkalapit tayo
Handa akong maghintay bumagsak ka lang sa puso ko
At kahit pa tapak-tapakan pa ako ng iba
Iba pa rin talaga kapag ikaw ang sinisinta
Lupa nga ako sa estado nating dalawa
Pero ito yung posisyon kung saan natatanaw kita
Nasa ibaba man ako, tinitingala ka
Ganyan ang pagtingin ko sayo simula pa nong una
Subukan mong umawit tuwing luluha ka
Handa akong sabayan mapangiti lamang kita
Papatungan ko ng tono ang iyong pagkanta
Mapagtugma ko lang ang puso nating dalawa
-Madpro
