PH
"Wala ka man saking tabi"
Hindi ko maitatago sa lalim ng gabi
Sin-lalim pa nito ang lungkot saking pagngiti
Tuwing iisipin ko na wala ka na sa aking tabi
Napakalamig pala kahit ilang kumot pa ang gawin kong katabi
Alam mo bang pinagdarasal ko?
Na sana paggising ko sa umaga di na 'to maglaho
Abutin man ng tanghali o buo pang maghapon
Huwag lang dumating sa punto na gabi na ang lumamon
Di ko na gusto ang dilim
Kung sa bawat pagmulat ko liwanag ang kapiling
Ayaw ko nang magtago sa likod ng mga labi
Idinadaan sa ngiti ang mga nais na maikubli
Ang laki ng nagbago simula nong dumating ka
Subalit mas malaki pala ang nagbago simula nong umalis ka na
Para kang tatak, nakaukit na sa isipan
Tila ba parang puno ka, nandito lahat ang ugat
Subalit wala ka man saking tabi
Nais ko pa rin na ipagpatuloy ngumiti
Sa kabila ng malalamig na gabi
Ikaw lang yung bukod tangi kong minahal sa lahat ng sandali
-Mad
Music:
