PH
"Ang Pinagkaiba Mo Sa Halaman Ko"
Hindi mo pa ba napagtanto?
O di kaya'y sumagi sa isip mo
Ang pagdating mo sa buhay ko
Gaya ng pakiramdam ko sa halamang ito
Hindi naman sa lagi akong seryoso
Kadalasan, mahilig din naman akong maglaro
Maglibang tulad ng iba
Pero sa paraang aking ikasasaya
Pagtanim ng anumang uri ng halaman
Namulat ako at lahat ay nalaman
Dapat pala natin itong pag-ingatan
Dahil naglalaho rin pala ang kagandahan
Napaisip ako sa inyong dalawa
Halaman siya pero tao ka
Kung susukatin mo ang timbang ninyo
Malayo kayong magkatulad sa puso ko
Kung di ka man kuntento sa sagot ko
Hayaan mong ilarawan ko sa pagletrato sa inyo
Pagkat ang halaman ay nakatanim sa paso
Samantalang ikaw naman ay nakatanim sa puso ko
-Mad
Music:
