PH
"Kung hindi pa sa ngayon"
(easy to get, easy to forget)
Halimbawa ng gulo ang siyang nadarama ngayon
Kita sa salamin mga nakaraang naglaon
Karanasan na di kailanman maibaon
Malimot ang lahat ay tila mahabang panahon
Tingin mo ba sapat nang dahilan
Ang mga pintig at iyong nararamdaman?
Nais kong malaman mo ang buod
Sa lahat ng kasaysayan na na ipon
Nagmahal ako sa pagkakamali kong nagawa
Mga pagkakamaling iyon ay di pa humupa
Sa mga patak ng luha na dinanas niya
Tuwing balutin ako ng sinungaling sa paggawa
Ikaw ba'y handa upang pagsisisi'y di mahuli
Handa ka ba na gawin at di na mag-atubili?
Lilinawin ko ang mga kaganapan noon
Ang naging dahilan nang pagkasisi ko ngayon
Kaibigan, malupit ang panahon
Mapaglaro ang buhay at maalon
Kung ikaw ay magmamahal sa muli pang pagkakataon
Wag magmadali't maghintay, kung hindi pa sa ngayon
