PH
"Nais ko nang umiwas"
Sa pagkakataong ito, nais ko nang iwasan
Tuwing magbabato ka ng ngiti, nais ko nang ilagan
Habang ihagis ko sa'yo, ang mga salitang gusto ko
Bumabalik lang sa akin, pag sinabi kong di kita gusto
Hindi ako miyembro, ng sipang laro
Para saluhin at pigilan, lahat ng binabato mo
Ngunit tuwing aking napapabayaan, pumapasok lahat sa puso ko
Doon ko lamang namalayan, nakakapuntos ka na sa buhay ko
Hindi ko mabasa, kung ano ang nasa isip mo
Sinasadya mo ba ito, o hindi sa pagbunton nito
Ikaw ba'y nananadya, sa paglathala ng iyong salita
Kahit pilit kong takpan, naririnig din maging mga mata
Hindi ko gusto, ang liwanag ng ganda mo
Alam ko kase, na hindi talaga magiging tayo
Ang liwanag na taglay mo, ay sadyang napakalayo
Kung kaya't mas ninais ko, ang umiwas na lang sayo
Yung buhay ko sa buhay mo, masiyado nang masikip
Wala na akong paglalagyan, gaya ng aking iniisip
Kung sakali mang ako'y iyong, mulit-muling mapansin
Pasensya ka na at iiwas na ako, nang matapos na itong damdamin
