PH
"Di ko kailangan isigaw pa, ibubulong ko nalang nang malinawan ka"
Mukha yatang, malabo para sayo
Itong pagtingin, at mga titig ko
Di mo yata dinig, yaring pinipintig
Sa tuwing mahagilap ka'y, yumayanig
Ang bawat yugto, at sa sandali
Aking ikaw, ay nais mapangiti
Sa saliw, nitong yaring himig
Mula sa akin, at sa ******
Kung gayon, siguro'y manhid ka nga
Pagkat di mo ramdam, sugat saking pandama
Mga galos, na yari mo at nagawa
Sa di mo pagpansin, tuwing makausap ka
Mga mutawi, na nasa iyong labi
Mala birhen, ang iyong mga ngiti
Ang buwan at araw, na nasa iyong mga mata
Ang siyang liwanag ko, sa gabing ito sinta
Ang makasama ka, ay siyang kukulangin
Pagkat alam ko, na hindi lamang ito basta pagtingin
Matinding batid, at aking ninanais
Maging akin ka, walang kulang walang labis
Uliran ako, sa bawat paglisan mo
Bilanggo ako, sa mga rehas ng pagtingin ko sayo
Alipin ako, ng mga bakal ng iyong ganda
Sa halip matulog, gising nang mapanaginipan ka
Maglakad ka man, sa bawat yapak mo
Tumakbo ka man, sa bawat pagtalikod mo
Ako'y hindi, at hindi pa lalayo
Sa mga salitang nais, at nais ko sayo
Wala ka man pakpak, ay inilipad mo ako
Sa alapaap ng ligaya, at sa sayang natanggap ko
Ikaw itong nagsilibi, ang naging tulay sa akin
Upang sa sipag, ako ay maging alipin
Bibitawan ko, ang mga hawak kong salita
Kung sa paraan na ito, upang madinig mo na
Pagkat hindi ko na, makakaya pa
Ang hawakan ang mga ito, sa kapal ng letra
Hindi ko kakailanganin, ang isigaw pa
Pagkat alam ko, na madidinig mo sinta
Ibubulong ko na lamang, mas malinaw pa
Dahil mas mainam ito, at nang malapitan ka
Mad`PoetMotivator