PH
"Lungkot sa likod nitong ngiti"
Hindi ko maipaliwanag ang minsang paglaho ng saya
Ang ligayang tila nagbago na nariyan lang kani-kanina
Mga hindi kailanman pumasok sa isip ko
Ang mga dahilang nagdulot ng tanong "bakit ganito?"
Mali ba ang pagkaintindi ko?
Sa mga nagdaang araw at mga emosiyong meron ako
Dala-dala ko nga ba ito sa huling dulo
Ang mga kinimkim kong lungkot nakabaon saking ulo
Parang napakaimposible naman yata
Ang maglihim sa aking mga salita
Na ako'y masaya kahit sobrang hapdi na
Sa ngiti ko na lamang idadaan at isasadya
Gusto kong sumigaw kahit sa kalahating minuto
Ang mga sakit na nasa aking puso
Ay nais ko nang mawaglit ng labis at todo
Pagkat hirap na ako sa paglakad ng deretso
Binali mo ang kasiyahan na dapat nakamtan ko
Kaya ba ako'y tinuluyang lamunin mo?
Dahil hindi ko kayang lumaban sa mga matinding atake mo
At idinadaan ko na lamang sa pagngiti aking sikreto
Hindi krimen ang pagtago ng lungkot
Hindi kasinungalingan ang pagkubli nito
Pagkat ito lamang ang patunay mula sayo
Na isa kang matibay sa kabila ng sinapit mo
Napakaimposibleng matalo ang lungkot
Lalo na kung matindi ang mga dinanas mo
Ngunit sa bandang huli
Lagi lamang mananaig ang ngiti
At huwag mo sanang muli pang ikubli
Ang kaligayahan sa iyong mga matang muli
Mad`PoetMotivator
) peace po
hahaha