PH
"Pangalawang bagay sa buhay ko, ay ang ibigin ka"
Sa buhay ko ang dami ko nang mali
Di ko na mabilang hindi ko mawari
Ngunit dahil dun lalo akong nagpursigi
Maitama ko ang lahat maging sa sarili
Ngayon nang ika'y aking nakilala
Sumagi sa isip kong muling mga katha
Kung ito'y iyong pagbibigyan aking itatama
Ayaw ko nang magkamali pagdating sayo sinta
Sambitin mo ang nais kong isigaw
Gusto kong magmahal ng tanging ikaw!
Kung mali man itong muling pagkakataon
Handa akong matuto sayo magmula ngayon
Hanggang sa huli buhat sa umpisa
Iyong dinggin itong aking salita
Hanguin mo ang bato at iyong itaga
Pagkat isang beses lang isisigaw sa madla
"Pangalawang bagay na ginawa sa buhay ko
Ang ibigin kita ng buo gamit ang puso ko
Kung mapagtanto mo kung anong una bago ito?
Yun ay ang hanapin ka at nangakong maging tayo"
Mad`PoetMotivator
