PH
"Ipikit ang mga mata mo't dilim ang makikita, ganyan ang mundo ko kapag wala ka"
Tulad mo akong minsang humiling
Na sana'y milagro kang dumating
Bawat oras nais kitang kapiling
Sikreto ko sayo'y di maglilihim
Namulat ako sa mundo at di ma-atim
Mapaglaro't mapagbiro at sinungaling
Yan ang takbo ng kuwento natin
Kalakaran sa mundo na mapang-alipin
Damdamin ko sayo'y pilit kong diin
Sana'y malaman mo ang dami nitong piging
Mga bisitang salita di ko man isipin
Ikaw ang nais ko di ko man aminin
Halika't buksan mo at iyong anihin
Tanim na salita sa puso ko'y hanapin
At nang malaman mo gusto kong sabihin
Hirap akong mabuhay kung di kita kapiling
Pakiramdaman mo itong pintig ng aking damdamin
Ang liwanag na taglay ng araw ay aanhin?
Ipikit mo ang mga mata makikita mo'y dilim
Ganyan ang mundo ko pag di ka makapiling
Lahat tayo may kanya kanyang abilidad. Ngunit may iisang abilidad tayong pare-pareho. Abilidad na makita ang bawat bukas. Abilidad na masilayan ang nais natin.
Ngunit paano na lamang kung ang mga mali ay di kayang makita ng mga mata?Paano kung sarili mong pandama?
Napaisip ako ng bigla. Parang mas nanaisin ko nang maging isang bulag.
Dahil kahit bulag ka nakikita mo ang mga mali gamit ang pandama
Di mo literal na nakikita gamit ang mga sarado mong mata.
Ngunit ito ang isa sa mga dahilan kung bakit mas nanaisin kong bulag.
Dahil di mo kailangang makita ang kagandahan at lugar
Kundi kailangan mo itong damhin at maunawaan
Hindi sapat ang makita mo lang kung hindi mo rin maramdaman.
Dahil literal na nakakabulag ang pag-ibig..
at yun ang mensahe nito..
"Damhin mo't unawain, Huwag mo lang basta titigan"
Mad`PoetMotivator