PH
"pinaalala mo sa puso ko, ang mga nakalimutan ko"
Nakaraan na akala ko'y makakalimutan ko na
Ngunit may mga bagay na hindi rin maiiwasan pala
Mga bagay na magsisilbi't magpapaalala
Ang mga bagay na hindi mo inaasahang darating pa
Pilitin ko mang iahon, ang sarili ko sa lupa
Sa putik na lumamon sa buhay ko at diwa
Ang sumira at nagmarka sa kuwento kong ito
Ang naging sanhi ng mga kabiguan sa buhay ko
Ang daming lugar, bagay at pagkakataon
Nagpapaalala sa aking nakaraang panahon
Nang muli ko nanaman naalala ang lahat
Dumating sa isip ko muli't nangangagat
Ngayong nakilala ka'y pinaalala mo
Mga di na dapat maalala pa ng isip ko
Ang mga nakaraang nagdurog ng puso ko
Ika'y alagad din pala ng nakaraang ito
Pinaalala mo lahat-lahat sa akin
Ang mga di na dapat at nagbigay alat sa akin
Mga pangyayaring di na dapat balikan
Pinaalala mo ulit ang gusto ko nang kalimutan
Marami sa atin ang gusto nang makalimot
makalimutan ang lahat ng pait na ating naranasan
ngunit sa bandang hulit ito'y di natin maiiwasan
dahil may mga bagay pa ring mag papaalala satin
kung ano ang mga nakaraang nangyari sa buhay natin
marami tayong dahilan at kadahilanan
kaya't kung maaari lamang ay huwag nang pagpilitan
ang LUMIMOT sa nakaraa'y babalik at babalik parin yan.
Mad`PoetMotivator