✍️ Arts/Lit Di tapos at walang titulong tula

[PHC - Prince Ellgrey17]

AKO, yung lalaking matagal nang naghihintay
nangangarap dumating, isang IKAW sa'king buhay
araw at gabi, AKO ay nagtatanong
inaasam kong IKAW, saan kaya naroroon?

IKAW, isang babae na siya sanang pupuno
sa kulang ng aking buhay, mga puwang sa puso
ngunit saan nga ba, AKO ay tutungo?
sa malawak na mundo, upang TAYO ay magtagpo

sana ay iguhit, na ng kapalaran
tadhana kong ikaw, akin nang masilayan
ng mawala ang lumbay, mapawi nang tuluyan
at ang pusong nanabik, ligaya ang maramdaman

AKO at IKAW, IKAW at AKO
kailan ba papanain, ang ating mga puso
Itong si KUPIDO, ay di yata asintado
dahil hanggang ngayon, ay wala paring TAYO

 

[madpro]

hindi masamang umasa,
bagkus ang pag-ASA ay wala dapat katapusan
ngunit panahon na rin ang magsasabi
kung kailan ka dapat di na mag-atubili

maraming sintomas ang pag-asa
pag-asa na makamtan siya o umasa dahil hindi na
yan yung salitang labis na humugot
ASA na laging di makalimot

ngunit kung ika'y natutong magmahal
walang dahilan upang, itong damdamin mo'y di magtagal
pagkat ang tunay na nararamdaman
walang panahon at oras ang inaatrasan