PH
"pagsuyo"
(your love)
Patawad kung ako'y namasko sa bahay mo
Itong bahay na tinutukoy ay ang puso mo
Pagkat alam kong hindi pa araw ng pasko
Ay napaaga na akong nangaroling sa pintuan mo
Nalinlang ako ng aking pagkasabik
Sa akalang ang lahat ay babalik
Sa kamaliang aking sayo'y naihatid
Karumal-dumal pala yaring kapalit
Ngunit nais kong pakinggan mo ito
Mga awit na labis nanunuyo sa dating tayo
Nangangakong hindi na maglalabis o lalagpas
Sa mga linya na nakapaligid at di na aalpas
Makulit ako yun ang katangian ko
Ngunit mas makulit ang nararamdaman kong ito
Ang pagkasabik na mag-usap tayong muli
Lahat ng oras, panahon at sa sandali
Hihimukin ko ang mga tala sa itaas
Upang sa gayo'y lahat ng galit mo'y mailabas
Nang magbago muli ang pakikitungo mo sa akin
Ang magbalik ka kaibigan na aking itinuring
papalambutin ko yang matigas mong damdamin
PHC-Jenny16
Mad`PoetMotivator
