PH
"sulat"
(eroplanong papel)
Gusto kong lumipad gamit aking mga pakpak
Kung saan ikaw ang aking isa sa pangarap
Mga pakpak kong ihalintulad sa papel
Hugis eroplano ihahagis sayo aking anghel
Ikaw ang langit saking pagkalupa
Ang dagat na aking tinatapakan
Ang nagsisilbing paa sa tuwing maglalakad
Papunta sa lugar na aking hinahangad
Ikaw itong isda na tumatakbo
Palangoy kang naglalakad sa isip ko
Dahan dahan mong pinapabilis ang puso ko
Ang nagbigay ng tono sa buhay ko
Isa kang sirena na may paa
Sinundo mo ako ng mag-isa
Handa kong iwan ang tahanan ko
Maranasan ko lamang manahan sa inyo
Aabutin ko ang buwan nang aking mga paa
Sisipain ko ang araw nang aking mga kamay
Hihigupin ko ang gabi para sayo
Basta't manatili ka lamang sa piling ko
Baliktad man ang mundo'y maiintindihan
Pagkat anung silbi kung di ka makakamtan
Kahit nakabaliktad lahat ng salita
Ikaw ang salamin, maiintindihan ko sinta
Susulatan ko eroplanong papel
Tapos ibabato ko sayo aking anghel
Uulit-ulitin mang bigkasin ito sayo
Ganyan ang pag-ibig ko lamang laan sayo
Spoiler contents are visible only to Established Members.
Mad`ThePoetMotivator