🕯️ Traditions Tanging daan para makapunta sa langit

[Just You]

para sakin parang hindi magandang basahin yung biblia na yan dahil kung ganyan ang naka sulat jan paano pa kaya yung iba pang verse baka maiba ma mislead pa
based on kjv
Exodus 23:13
Isaiah 44:6
1 John 4:1
Deuteronomy 6:15
nakakatakot mag basa ng ganyang biblia
pero opinion ko lang ^^

Ganyan talaga yan..Ma-mislead ka lang kung hindi mo unawain ang nakasulat..hehe..

 

[angelo_salem9]

Si Satanas ay isang anghel na nilikha ng Diyos na lumaban sa Kanyang awtoridad (Isaias 14:13) at naging pinuno ng isang kaharian ng masasamang espiritu na tinatawag na mga demonyo, ang kanyang mga anghel (Mateo 25:41). Napakalaki ng kanyang kapangyarihan sa himpapawid at sa daigdig at hindi dapat na tawaran. Gayunman, bagama’t mahirap na kalaban si Satanas at ang kanyang mga kampon, winasak ni Hesu Kristo ang kapangyarihan ni Satanas, at ginanap ang hula sa Genesis 3:15. Ang krus ni Kristo ang dahilan ng ating tagumpay (Juan 12:31). “Sapagkat hinatulan na ang pinuno ng sanlibutang ito” (Juan 16:11), at isang araw ganap na dudurugin ni Hesu Kristo ang kapangyarihan ni Satanas at lilinisin ang sangnilikha (2 Pedro 3:10).

Ang kapangyarihan ni Satanas sa himpapawid/mundo ng mga espiritu:
Iginagalang ang kapangyarihan ni Satanas sa mundo ng mga espiritu (Judas 1:9), kung saan mayroon siyang limitadong kakayahan na lumapit sa presensya ng Diyos (Job 1:6). Ang aklat ni Job ang nagbibigay sa atin ng pangunawa sa relasyon sa pagitan ng Diyos at ni Satanas. Sa Job 1:6-12, tumayo si Satanas sa harap ng Diyos at iniulat ang kanyang “pagpapabalik-balik sa lahat ng sulok ng daigdig,” (talata 7). Tinanong ng Diyos si Satanas kung napansin niya ang isang taong makadiyos na nagngangalang Job at agad na inakusahan ni Satanas si Job ng kawalang katapatan – na iniibig lang nito ang Diyos dahil sa mga pagpapalang Kanyang ibinibigay. Sinabi ni Satanas sa Diyos, “Subukan ninyong alisin ang lahat-lahat sa buhay niya at harap-harapan niya kayong susumpain” (talata 11). Binigyan ng Diyos ng pahintulot si Satanas na bawiin ang kanyang mga ari-arian at pamilya, huwag lamang nitong sasaktan si Job, at umalis si Satanas. Sa Job 2, bumalik muli si Satanas sa harapan ng Diyos at sa pagkakataong ito, pinahintulutan ng Diyos si Satanas na pakialaman ang katawan ni Job ngunit pinagbawalan siya na patayin ito. (Ang natitirang nilalaman ng aklat ay tungkol sa pananaw ni Job at pagbibigay ng mga halimbawa kung paano haharapin ng tao ang mga pagdurusa sa mundo).

Ito ay isang mahalagang sitas sa Bibliya dahil ipinapakita nito ang lugar ni Satanas sa mundo ng mga espiritu. May kakayahan siya na akusahan ang mga anak ng Diyos sa Kanya mismong presensya at ipinapakita sa Judas 1:9 na maging si Arkanghel Miguel ay nangailangan ng tulong ng Diyos upang mapagtagumpayan si Satanas. Gayunman, malinaw na pinipigilan ng Diyos si Satanas na ipalasap ang kanyang buong kabagsikan; nanatili pa rin siyang isa lamang sa mga nilikha ng Diyos na nasa ilalim ng Kanyang kapamahalaan at may limitasyon ang kanyang kapangyarihan.

Ang kapangyarihan ni Satanas sa mundo: :
Ipinapakita din sa Job 2 na si Satanas ang gumagawa ng kasamaan at direktang pumipinsala sa mundo. Ang pinakakilala at pinakamahalaga sa kanyang mga gawa sa mundo ay naganap sa hardin ng Eden. Tinalakay sa Genesis 3 ang tungkol sa pagtukso ni Satanas kay Eba, ang “ina ng lahat ng nabubuhay na tao” (talata 20), at ang kanyang unang pagkakasala. Ang aksyong ito, at ang aksyon ng kanyang asawang si Adan ang nagdala ng kasalanan sa mundo, at ito rin ang dahilan kung bakit kailangang tubusin ang sangkatauhan mula sa kasalanan upang maging katanggap tanggap sila sa Diyos.

Isang araw, nagkita si Hesus at ang isang babaeng labingwalong taon nang nakukuba at hindi makaunat sanhi ng isang masamang espiritu (Lukas 13:11). Ipinaratang ni Hesus ang kanyang sakit kay Satanas na siyang “gumapos” sa kanya (talata 16). Totoo ang kapangyraihan ni Satanas, ngunit madali itong napagtagumpayan ng ating Panginoon: “Ipinatong ni Jesus ang kanyang mga kamay sa babae, at noon di'y nakatayo siya nang tuwid at nagpuri sa Diyos” (talata 13). Ang himalang ito ni Hesus ay isang malinaw na demonstrasyon ng Kanyang kapamahalaan kay Satanas.

Mula ng pamunuan niya ang kasamaan sa mundo, tinawag na si Satanas na “prinsipe,” “diyos,” o “tagapamahala,” ng mundong ito (Juan 14:30; cf. Juan 12:31; 16:11; 2 Corinto 4:3-4; Efeso 2:2; Colosas 1:13). Si Satanas ang kaaway ng Diyos at ng katotohanan (Mateo 13:24-30; 2 Tesalonica 2:9-12), at ginagawa niya ang lahat upang tuksuhin ang bawat indibidwal (Genesis 3; Luke 22:31; 1 Timoteo3:7) at ang mas malaking grupo ng mga tao (1 Tesalonica 3:5; Pahayag 2:10). Siya ang “nandaraya sa buong sanlibutan” (Pahayag 12:9). Isinasakatuparan ito ni Satanas sa pamamagitan ng iba’t ibang kaparaanan, kabilang ang pagapela sa pagiging palalo ng tao (1 Timoteo 3:6; 1 Corinto 4:6), paghadlang sa pagpapakalat ng katotohanan (Mateo 13:18-22, 38-39), at paglalagay ng huwad na mananampalataya sa loob ng iglesya (1 Timoteo 4:1-2; 2 Timoteo 3:1-9; Pahayag 2:9; 3:9). Sa Juan 8:44, sinabi ni Hesus na si Satanas “ay isang sinungaling at ama ng kasinungalingan.”

Binibigyan pa rin ng Diyos ng awtoridad si Satanas sa mundo sa ilang antas, na nangangahulugan na ang kanyang kapangyarihan ay hindi pa kumpletong nawawasak – maliban sa isang lugar: sa kanyang kapangyarihan sa kamatayan. Sinasabi sa Hebreo 2:14-15 na pumunta si Hesu Kristo sa lupa at naging tao upang mamatay at “mawasak ang diyablo na siyang may kapangyarihan sa kamatayan at sa pamamagitan din ng kanyang kamatayan ay pinalaya niya ang lahat ng tao na buong buhay nila'y inalipin ng takot sa kamatayan.” Ang kaligtasang ipinagkaloob ni Kristo ang nagpalaya sa atin sa mga kamay ni Satanas. Nawalan na ng tibo ang kamatayan (1 Corinto 15:55).

Ang kapangyarihan ni Satanas – konklusyon: :
Sinasabi ng Bibliya na “ang buong sanlibutan ay nasa kapangyarihan ng diyablo” (1 Juan 5:19), at dapat tayong “laging maging handa at magbantay. Ang diyablo, ang kaaway ninyo, ay parang leong umuungal at aali-aligid na naghahanap ng masisila” (1 Pedro 5:8). Subalit may dakilang pag-asa ang mga Kristiyano, dahil si Hesu Kristo (Juan 16:33) at ang ating pananampalataya sa Kanya (1 Juan 5:4) ang gumapi sa kasamaan ni Satanas. “Mga anak, kayo nga'y sa Diyos at napagtagumpayan na ninyo ang mga huwad na propeta, sapagkat ang Espiritung nasa inyo ay mas makapangyarihan kaysa espiritung nasa mga makasanlibutan” (1 Juan 4:4)

 

[angelo_salem9]

Umpisahan nating tingnan ang Awit 82, ang bahagi ng Awit na binanggit ni Hesus sa Juan 10:34. Ang salitang Hebreo na isinalin sa salitang Tagalog na 'diyos' sa Awit 82 ay 'Elohim.' Ito ay karaniwang tumutukoy sa isang tunay na Diyos, ngunit mayroon itong ibang gamit. Sinasabi sa Awit 82:1, 'Ang Dios ay tumatayo sa kapisanan ng Dios; Siya'y humahatol sa gitna ng mga dios.' Malinaw sa mga sumunod na tatlong talata na ang salitang 'dios' ay tumutukoy sa mga pinuno, mga hukom at mga tao na humahawak ng posisyon sa pamahalaan. Ang pagtawag sa isang tao ng 'dios' ay nagpapahiwatig ng talong bagay: 1) may kapamahalaan siya sa ibang tao, 2)ang kanilang kapangyarihan sa mga tao ay dapat katakutan, at 3) ang kanilang kapangyarihan ay nanggaling mismo sa Diyos, na inilarawan bilang Hukom na huhukom sa buong mundo sa talata 8.

Ang gamit na ito sa salitang 'diyos' na tumutukoy sa mga tao ay bihira lamang, ngunit matatagpuan din ito sa ibang talata ng Lumang Tipan. Halimbawa, ng suguin ng Diyos si Moises sa Faraon, sinabi Niya, 'Tingnan mo, ginawa kitang dios kay Faraon' (Exodo 7:1). Ito'y simpleng nangangahulugan na si Moises, bilang menshaero ng Diyos, ay sasalitain ang Salita ng Diyos sa Faraon at sa gayon, magiging kinatawan siya ng Diyos sa hari. Ang wikang Hebreo na Elohim ay isinalin sa tagalog bilang 'mga hukom' sa Exodo 21:6 at 22:8, 9 at 28.

Ang buong punto ng Awit 82 ay ang paggampan ng mga hukom sa lupa ng kanilang tungkulin na walang kinikilingan at may tunay na hustisya, dahil kahit na ang mga hukom ay tatayo din sa harapan ng Hukom isang araw. Nagbabala ang Diyos sa mga pinuno sa talatang 6 at 7 na gaya ng mga hukom, sila rin ay huhusgahan ng Diyos, 'Aking sinabi, Kayo'y mga dios, at kayong lahat ay mga anak ng Kataastaasan.

Gayon ma'y mangamamatay kayong parang mga tao, at mangabubuwal na parang isa sa mga pangulo.' Sinasabi ng mga talatang ito na ang Diyos ang nagtalaga ng mga tao sa posisyon ng kapangyarihan, at sila ay itinuturing na diyos ng mga tao. Ngunit dapat nilang tandaan na kahit na sila ang kinatawan ng Diyos sa mundo, mamamatay sila isang araw at magbibigay sulit sa Diyos kung paano nila ginamit ang ipinahiram Niyang kapangyarihan.

Ngayon, tingnan natin kung paano ginamit ni Hesus ang mga talatang nabanggit. Inangkin ni Hesus na Siya ang Anak ng Diyos (Juan 10:25-30). Dahil dito, pinagbintangan si Hesus ng mga hindi nananampalatayang Hudyo ng pamumusong, dahil inaangkin Niya na siya ay Diyos (talata 33). Sa puntong ito, inulit sa kanila ni Hesus ang Awit 82:6 upang ipaalala na tinukoy ng Kautusan ang karaniwang tao - na may kapangyarihan at karangalan 'bilang mga maliit na 'diyos.' Ito ang pinupunto ni Hesus: pinagbibintangan ninyo ako ng pamumusong batay sa paggamit ko ng titulong 'Anak ng Diyos'; subalit inilalapat ng inyong Kautusan ang parehong tawag sa mga namumuno sa pangkalahatan. Kung ang mga tao na itinalaga ng Diyos sa katungkulan ay itinuturing ninyo na mga 'diyos', gaano pa kaya ang Isa na pinili at isinugo ng Diyos (talata 34-36)?

Sa kabalintunaan, alam natin ang kasinungalingan na sinabi ni Satanas kay Eba sa Hardin ng Eden. Ang sinabi ni Satanas na, 'at kayo'y magiging parang Dios, na nakakakilala ng mabuti at masama' (Genesis 3:5), ay isang kasinungalingan. Totoo na nabuksan ang kanilang mga mata (talata 7), ngunit hindi sila naging gaya ng Diyos. Sa katotohanan, nawalan sila ng awtoridad sa halip na magkaroon nito. Dinaya ni Satanas si Eva tungkol sa pagkakaroon ng kakayahan na maging isang tunay na Diyos at naniwala siya sa isang kasinungalingan. Ipinagtanggol ni Hesus ang kanyang inaangkin na Siya ang Anak ng Diyos sa biblikal na pamantayan - kung ang mga maimpluwensiyang mga tao ay tinatawag na maliit na 'diyos,' ano pa kaya Siya na Mesiyas ang hindi magangkin ng tawag na ito sa Kanyang sarili? Ang mga tao ay hindi mga 'diyos' o 'maliit na diyos.' Hindi tayo Diyos. Ang Diyos ang nagiisang Diyos, at nalalaman natin na ang mga nakakakilala kay Hesus ay Kanyang mga anak hindi mga 'diyos.'

 

[angelo_salem9]

Cge po lilinawin po natin yan

 

[fintaztix]

haha... hindi ako naniniwala sa bibliya hindi naman yan sinulat ng dyos. at hindi naman ang dyos ang nagtranslate nyan.... tayo lang nagbibigay ng kahulugan dyan