🔒 Closed Proper use of punctuations

[Futility]

Hi po sa lahat ng PHCitizens diyan.

May ibabahagi lamang po ako para sa mga poster, estudyante, o kung sino mang nagsusulat sa papel o sa cyber world. Makatutulong ito sa pagpapalinaw ng gusto niyong ipahiwatig.
Ito ay ang paggamit ng mga bantas(punctuation).

1. Tuldok [period] (.) - ginagamit ito para paghiwalayin ang mga pangungusap(sentences). Tandaan na masasabi mong pangungusap ang grupo ng mga salita kung naglalaman ito ng simuno(subject) at panaguri(predicate).
   
2. Kuwit [comma] (,) - Maraming gamit ang kuwit. Ito ay ang sumusunod:
   • Ginagamit para paghiwalayin ang mga salitang magkakauri o magkaugnay.
     

     Halimbawa: Ang gusto niya sa isang lalaki ay gwapo, masipag, matapat, at mapagmahal.

     Nilalagyan ng "at" o "o" sa gitna ng huling dalawang salita na magkauri o magkaugnay pagkatapos ng kuwit.
   • Ginagamit para ihiwalay ang pamuno(appositive).
     

     Halimbawa: Si Confucius, isang pilosopo, ay isang maimpluwensiyang tao.

   • Ginagamit para sa mga "tag questions" (di ko alam kung anong salin sa Filipino).
     

     Halimbawa: Mataas ang nakuha mong grado, hindi ba?

     Note: Marami pang gamit ang kuwit. Padagdag na lang po.
3. Tandang pananong [question mark] (?) - Ginagamit kapag ang pangungusap ay patanong. Nilalalagay din sa loob ng panaklong(parenthesis) kung merong alinlangan/hindi sigurado. ► (?)
   
4. Tandang padamdam [excalamation point] (!) - Ginagamit para isaad ang matinding damdamin sa isang pahayag.
   
5. Kudlit [apostrophe] (') - Ginagamit pampalit sa isang letra na inalis sa isang salita.
   

   Halimbawa: Sila ay ► Sila'y; Kami ay ► Kami'y

6. Gitling [hyphen] (-) - Marami rin itong gamit:
   • Sa pag-ulit ng salitang-ugat o mahigit sa isang pantig ng salitang-ugat.
     

     Halimbawa:
     

     • araw-araw
     • dala-dalawa
     • masayang-masaya

   • Kung ang unlapi(prefix) ay nagtatapos sa katinig(consonant) at ang salitang nilalapian ay nagsisimula sa patinig(vowel) na kapag hindi ginitlingan ay magkakaroon ng ibang kahulugan.
     

     • pag-asa
     • nag-isa
     • nag-ulat

   • Kapag may katagang kinaltas sa pagitan ng dalawang salitang pinagsama.
     

     Halimbawa:
     

     • bahay na aliwan - bahay-aliwan
     • dalagang taga bukid - dalagang-bukid
     • humgit at kumulang - humigit-kumulang

   • Kapag ang panlaping ika- ay iniunlapi sa numero o pamilang.
     

     Halimbawa:
     

     • ika-10 ng umaga
     • ika-9 na buwan

   • Kapag pinagkakabit o pinagsasama ang apelyido ng babae at ng kanyang bana o asawa.
     

     Halimbawa:
     

     • Gloria Macapagal-Arroyo

7. Tutuldok [colon] ) - Ginagamit para simulan ang isang listahan;
   

   Halimbawa: Maraming halaman ang namumulaklak sa hardin tulad ng: Rosal, Rosas, Orchids, Sampaguita, Santan at iba pa.

   O para sa paghihiwalay sa mga minuto at oras, sa yugto ng tagpo sa isang dula, sa kabanata at taludtod ng Bibliya.
   

   Halimbawa:
   

   • 10:00 AM

8. Tuldok-kuwit [semi-colon] ( - Ginagamit sa pagitan ng mga sugnay ng tambalang pangungusap kung hindi pinag-uugnay ng pangatnig;
   

   Halimbawa: Naguguluhan siya sa buhay; iniisip nya ang magpatiwakal.

   O sa unahan ng mga salita at parirala tulad halimbawa, gaya ng, paris ng, kung nangunguna sa isang paliwanag o halimbawa.
   

   Halimbawa: Maraming magagandang bulaklak sa Pilipinas na hindi na napag-uukulan ng pansin; gaya ng kakwate, kabalyero, banaba, dapdap at iba pa.

9. Panipi [quotation mark] (") - Ginagamit upang ipakita ang buong sinasabi ng isang nagsasalita o ang tuwirang sipi.
   

   Halimbawa: “Hindi kinukupkop ang criminal, pinarurusahan,” sabi ng Pangulo.

10. Panaklong [parenthesis] ( () ) - Mga gamit:
    • Ginagamit upang kulungin ang pamuno.
      

      Halimbawa: Ang ating pambansang bayani (Jose Rizal) ang may-akda ng Noli Me Tangere.

    • Ginagamit sa mga pamilang o halaga na inuulit upang matiyak ang kawastuhan.
      

      Halimbawa: Ang mga namatay sa naganap na trahedya sa bansang Turkey ay humigit-kumulang sa labindalawang libong (12,000) katao.

    • Ginagamit sa mga pamilang na nagpapahayag ng taon.
      

      Halimbawa: Jose P. Rizal ( 1861 – 1896 )

11. Tutuldok-tuldok [ellipsis] (...) - Nagpapahiwatig na kusang ibinitin ng nagsasalita ang karugtong ng nais na sabihin.

 

[Matulis_2]

throwback of Filipino Subject

 

[K I N J A Z]

Haha parang nasa silid paaralan lang. Salamat po guro.

 

[Choicoico]

Thanks keep sharing

 

[TWC Tzuyu]

Thank's po dito sir

 

[Spies]

Nice Thread Boss Thankie

 

[kirisuke11]

Yes sir

 

[Melvsmabait_29]

Salamat sa kunting kaalaman.