✍️ Arts/Lit Hiling

[msstar]

Hiling

Kung ulap ba ay hahawiin...
ikaw ba'y masusulyapan?
makausap ka sana'y palarin...
para masabi lahat ng saloobin.

Kay raming katanungan
namumutawi sa isipan
siguro naman ako'y may karapatan,
malaman kung ano ang dahilan.

Bakit po ba kailangang mahirapan?
Bakit po kailangang masaktan?
bakit po tayo nabibigo?
Bakit tayo sumusuko?

Bakit nawawalan ng pag-asa,
Kahit alam naming nandyan ka?
bakit patuloy parin ang pagdurusa,
Sa kabila ng lahat ng sakripisyong ginawa.

Hindi ako nanunumbat, hindi nagagalit
nagtatanong lang, o bakit kay lupit,
Hindi pinagpala, napagkakaitan
bakit bakit? Lahat naman kami'y makasalanan.

Hindi naman po siguro masama kung ngayon ay hihiling,
Maaari po bang maramdaman ko na kayo ay kapiling?
kahit sa panaginip ako ay dalawin.
Maiparamdam na ako'y mahal mo rin.​

​

 

[meteorchild]

sariling gawa niyo po iyan? ang ganda po!!

 

[msstar]

sariling gawa niyo po iyan? ang ganda po!!

Opo, sarili ko yang likha
Salamat at isa ka sa namangha...
Hindi sa pagmamayabang pero...
Kanina ko lang yan ginawa

 

[Shinsuke Nishizono]

Makatang Pinoy! *clap clap clap* :O

 

[msstar]

Makatang Pinoy! *clap clap clap* :O

salamat po

 

[Jmrie_]

Hiling ng hiling di ko naman kayang sabihing siya mahal ko na din sorry nag try lang

-Comeback pa check neto

 

[msstar]

Yung totoo? Para kay God talaga yan e, nagawa ko yan nung blue na blue ako