🎓 Academic Minor subjects na feeling Major

[Vwirvo]

Minor subjects na feeling Major​

"You did your best, but your best was not enough."

Hi, I'm Vwirvo, a 1st Year BSIT student.

Gusto ko lang ilabas yung bigat na nararamdaman ko. Sa lahat ng subjects na tinake ko ngayong semester, ito yung subject na binigyan ko ng buong effort ko. Nag-aral ako, nagpasa ng requirements sa oras, nakinig sa discussions, at ginawa ko ang lahat ng alam kong kaya kong gawin.

Pero sa huli, ang nakuha kong grade ay 2.25.

Hindi ko maiwasang tanungin ang sarili ko:

"Saan ba ako nagkulang?"
"May hindi ba akong naipasa?"
"May kulang ba sa performance ko na hindi ko napansin?"

Masakit lang isipin na minsan, kahit ibigay mo na ang buong makakaya mo, parang hindi pa rin sapat.

Bilang isang taong grade-conscious, malaking bagay sa akin ang bawat marka. Hindi dahil gusto kong makipagkumpitensya sa iba, kundi dahil alam ko kung gaano ko pinaghirapan ang bawat requirement at bawat araw na ginugol ko sa pag-aaral.

Ang mas nakakalungkot pa, ito ay isang minor subject na hindi ko inakalang magiging dahilan para mag-overthink ako nang ganito. Hindi naman ako naghahanap ng perpektong grado, gusto ko lang maintindihan kung saan ako nagkulang para alam ko kung paano ako mag-iimprove.

Siguro bahagi talaga ito ng pagiging estudyante—yung matutunang tanggapin na minsan, hindi palaging tugma ang effort na ibinibigay natin sa resultang nakukuha natin.

Pero sa totoo lang, masakit pa rin.

Hindi lang grade ang sukatan ng halaga natin bilang estudyante.

Pero ngayong gabi, hayaan niyo muna akong masaktan.

 

[itsmaxxcz]

yes relate ako jan masakit talaga kapag alam mong binigay mo naman yung best mo tapos hindi ganun yung result na inaasahan mo haha. pero proud ka pa rin dapat sa sarili mo kasi hindi lahat may ganung dedication kahit minor pa yan. 2.25 is still a passing grade and hindi ibig sabihin nun na kulang ka or wala kang effort. minsan iba iba rin talaga mag grade ang prof, sa college talaga may mga ganitong moments na madidisappoint ka sa sarili mo, pero habang tumatagal marerealize mo na part pala siya ng growth natin. hindi man perfect yung result ngayon, at least alam mong lumaban ka nang maayos at may natutunan ka pa rin diba. valid lang na masaktan kasi pinaghirapan mo yan, pero wag mong hayaang isang grade lang ang magpababa ng tingin mo sa sarili mo. laban lang, first year ka pa lang and marami ka pang chances bumawi at patunayan sa sarili mo na kaya mo pa. remember a setback is not the end of your story, sometimes it is just the chapter that makes you strongerrr