PHAldrian-PHC
Eternal Poster
TILA nanggigil ang TV host-actress na si Ruby Rodriguez matapos kumalat ang isang malisyosong chika na may relasyon umano siya kay Senate President Tito Sotto.
Sa Facebook, ibinandera ng aktres ang isang screenshot ng pekeng balita na mula sa isang vlogger na may username na Pinas Star.
Ang nakalahad sa bahagi ng naka-screenshot: “Ruby Rodriguez, inilantad na ang anak nila ni Tito Sotto–buong tapang na paglalahad ng kanyang tunay na kwento.”
Agad itong kumalat sa social media at nakarating na nga mismo kay Ruby.
Sa caption ng batikang aktres, diretshan niyang sinupalpal ang nagpapakalat ng maling kwento.
Inamin din niya na concerned siya sa epekto nito sa kanyang pamilya.
“I’m going to consult my lawyer regarding this matter,” bungad niya na balak idemanda ang vlogger.
Aniya pa, “This malicious content is harming my family and innocent child. This is too much!”
Sa comment section, marami ang nag-agree kay Ruby upang maturuan ng leksyon ang gumagawa ng mga intriga na walang katotohanan.
Narito ang ilan sa mga nabasa namin:
“Sampulan mo Ms. Ruby. Napaka malisyoso makapag-content lang.”
“Kaya nga Ms. Ruby lagi ‘yan ganyang fake news makalikom lang nang views.”
“Grabe na rin mga tao ngayon. Kung ano nalang mai-content para makahatak ng views.”
“Ruby, it’s time to get a lawyer and sue these people. Why are they spreading lies? That’s clearly defamation.”
“Maraming Content Creator na gusto kumita kahit sa maling paraan. Below the belt na umatake, puro Fake news at Clickbait lang. Dapat talaga masampulan na mga yan! Thinking of you Ms.Ruby [folded hands, rose emoji]”
Kung matatandaan, mahigit 31 years ding naging co-host si Ruby sa longest-running noontime show na “Eat Bulaga,” kasama sina Tito Sotto, Vic Sotto, Joey de Leon, at iba pang Dabarkads.
Taong 2021 naman nang magsimulang manirahan at magtrabaho sa US ang batikang TV host-actress para maipagamot ang bunso niyang anak na may special needs.
ctto: Bandera/Inquirer
