🕯️ Traditions Lalangin Natin ang Tao Ayon sa Ating Larawan Genesis 1:26

[Gentleman007]

Sa Genesis 1:26, sinabi ni Jehova: “Lalangin natin ang tao ayon sa ating larawan.” Bakit kaya gumamit siya ng salitang “natin” at “ating”—pangmaramihang pananalita?

Para maintindihan ito, kailangan muna nating malaman kung paano ginamit ng Diyos si Jesus sa paglalang.

​

Ayon sa Bibliya, si Jesus ang pinakaunang nilikha ni Jehova. Siya ang tinatawag na “panganay sa lahat ng nilalang” (Col. 1:15) at “bugtong na Anak ng Diyos” (1 Juan 4:9). Dahil siya ang unang nilikha, ginamit siya ni Jehova para likhain ang lahat ng iba pang bagay. Kaya’t masasabi nating nilikha ni Jehova ang lahat sa pamamagitan ni Jesus.

​

Isipin mo ang isang hari na gustong magpatayo ng palasyo. Mayroon siyang isang mahusay na manggagawa—ang Punong Manggagawa. Ibinigay ng hari ang plano, ang mga materyales, at ang utos kung paano ito gagawin.

Ang Punong Manggagawa naman ang nag-organisa ng mga mason, karpintero, at pintor. Siya ang nagbantay sa paggawa ng palasyo.

Ngayon, sino ang nagtayo ng palasyo?

• Ang hari? Oo, kasi siya ang nag-utos.
• Ang Punong Manggagawa? Oo rin, kasi siya ang nagpatupad.
• Ang mga mason at karpintero? Oo, kasi sila ang gumawa.

Pero malinaw: ang hari ang may kapangyarihan at kalooban para itayo ang palasyo. Ginamit lang niya ang iba sa pamamagitan nila.

Ganoon din si Jehova. Siya ang naglalang, pero ginawa niya ito sa pamamagitan ni Jesus, ang Punong Manggagawa.

​

Hindi ibig sabihin na magkapantay si Jehova at si Jesus. Si Jesus ay masunurin at laging sumusunod sa kalooban ng Ama. Sabi nga niya, “Hindi ang kalooban ko kundi ang sa Iyo, O Ama.” – Lucas 22:42

Sa Genesis 1:26, sinabi ni Jehova:“Lalangin natin ang tao ayon sa ating larawan.” Bakit kaya gumamit siya ng salitang “natin” at “ating”? Ibig bang sabihin nito ay may “tatlong persona sa isang Diyos”? O may mas malinaw na paliwanag?

​

Sa Bagong Tipan, madalas gamitin ang salitang Griyego na dia, na ang ibig sabihin ay “sa pamamagitan”—ang daan o channel kung paano isinagawa ang isang bagay.

Halimbawa, kahit ang batas ay tinatawag na “Batas ni Jehova” (1 Cron. 16:40), tinawag din itong “Batas ni Moises” (Mal. 4:4).Sabi pa nga ni Jesus: “Hindi ba’t si Moises ang nagbigay sa inyo ng batas?” – Juan 7:19

Pero hindi ibig sabihin nito na si Moises ay Diyos.Ang paliwanag? Ibinigay ng Diyos ang batas sa pamamagitan ni Moises. Ganoon din ang paglalang: Si Jehova ang lumikha ng lahat, sa pamamagitan ni Jesus.

​

Ayon sa Bibliya:

• Si Jesus ang panganay sa lahat ng nilalang – Col. 1:15
• Siya ang pasimula ng paglalang ng Diyos – Pahayag 3:14
• Siya ang Punong Manggagawa sa tabi ng Diyos – Kaw. 8:22–30
• Sa pamamagitan niya nilikha ang lahat – Juan 1:3, Col. 1:16, Heb. 1:2

Sabi nga sa 1 Cor. 8:6:“Mayroon tayong isang Diyos, ang Ama, na siyang pinagmulan ng lahat, at isang Panginoon, si Jesu-Cristo, na sa pamamagitan niya ay nilikha ang lahat.”

​

• Awit 33:6, 9 – “Sa salita ni Jehova nalikha ang langit… Siya’y nagsalita, at ito’y nangyari.”
• Awit 148:5 – “Siya’y nag-utos, at sila’y nalikha.”
• Pahayag 4:11 – “Dahil sa iyong kalooban, sila’y nalikha.”
• Heb. 1:2 – “Sa pamamagitan ng Anak, nilikha ang mga mundo.”
• Juan 1:3 – “Sa pamamagitan niya, nalikha ang lahat.”
• Col. 1:16 – “Lahat ng bagay ay nilikha sa pamamagitan niya at para sa kanya.”

​

Hindi ibig sabihin na si Jesus ay kapantay ng Diyos Ama.Siya ay lingkod, tagapamagitan, at masunurin sa kalooban ng Ama.Sabi nga ni Jesus: “Hindi ang kalooban ko kundi ang sa Iyo, O Ama.” – Lucas 22:42

​

Sa Genesis 1:26, si Jehova ay maaaring nakikipag-usap kay Jesus, ang Punong Manggagawa, at marahil pati sa mga anghel.Lahat sila ay nilikha ayon sa larawan ng Diyos.Kaya’t nang sinabi ni Jehova, “Lalangin natin ang tao ayon sa ating larawan,”ang utos ay galing sa Diyos, at ang paggawa ay sa pamamagitan ni Jesus.

 

[plhbg1]

haha akala-in mo bossing literal na firstborn ang interpretation mo diyan bossing, pero if you read the surrounding verses diyan bossing, they are all talking about ranks or hierarchy instead of birth order, it is because the culture that is very influential that time is the Near East or the modern Middle East, in fact tinaguri-an silang cradle of civilization, if you examine this culture especially on how much authority is given to a firstborn son, then you will understand that it is not about the birth order but it is about power instead

 

[Gentleman007]

haha akala-in mo bossing literal na firstborn ang interpretation mo diyan bossing, pero if you read the surrounding verses diyan bossing, they are all talking about ranks or hierarchy instead of birth order, it is because the culture that is very influential that time is the Near East or the modern Middle East, in fact tinaguri-an silang cradle of civilization, if you examine this culture especially on how much authority is given to a firstborn son, then you will understand that it is not about the birth order but it is about power instead

abangan mo thread ko dyan