PHBayan Ko, Gumising Ka
ネイサン
Sa pagsikat ng araw sa silangan,
Hudyat ng paggunita ng Kalayaan ng ating inang bayan.
Ngunit sa kasalukuyang panahon,
Tila kadiliman ang sa'ti'y bumabaon.
Sa Senado, ang tinig ay nag-aalitan,
Kapwa Pilipino, nagbabangayan at nag-uungusan.
Pwesto at kapangyarihan ang tangi nilang ninanais,
Nakalimutan nang tuluyan ang bayan na nagtitiis.
Sa lansanga'y usad-pagong ang sasakyan,
Oras at pagod, nasasayang lamang.
Ang jeepney na noon hari, ngayo'y pinipigilan,
Pati matitinong tsuper, nawawalan ng kabuhayan.
Edukasyon ng kabataan, 'di tiyak ang punta,
Aklat at kaalaman, tila ba kulang pa.
Kinabukasan nila, paano haharapin?
Kung ang nabubulok na sistema, tila ba kay hirap baguhin.
Ang presyo ng bilihin ay walang tigil sa pag-akyat,
Bigas at gulay, sa iilan lamang sapat.
Kung kumakalam ang sikmura, paano pa lalaban?
Lalo pa't ang kaban ng bayan ay harap-harapang ninanakawan.
Ngayong Araw ng Kalayaan, tayo'y magnilay,
Sa mga bayaning nag-alay ng kanilang buhay.
Ang kalayaang tinatamasa, huwag sanang sayangin,
Bandila'y iwagayway nang may mataimtim na panalangin.
Huwag magpadala sa gawang masama't liko,
Sa puso't isipan ang tama ang isamo.
Bawat isa sa atin ay mayroong magagawa,
Tungo sa pagbangon ng ating bansa.
Kaya kapwa ko Pilipino, tayo na't kumilos,
Ipaglaban ang tama, mga halang ay sugpuin at igapos.
Ipakita sa mundo ang lakas at talino nating mga Pilipino,
Huwag na tayong magpapaniwala sa mga nakaupong manloloko.
ネイサン
Sa pagsikat ng araw sa silangan,
Hudyat ng paggunita ng Kalayaan ng ating inang bayan.
Ngunit sa kasalukuyang panahon,
Tila kadiliman ang sa'ti'y bumabaon.
Sa Senado, ang tinig ay nag-aalitan,
Kapwa Pilipino, nagbabangayan at nag-uungusan.
Pwesto at kapangyarihan ang tangi nilang ninanais,
Nakalimutan nang tuluyan ang bayan na nagtitiis.
Sa lansanga'y usad-pagong ang sasakyan,
Oras at pagod, nasasayang lamang.
Ang jeepney na noon hari, ngayo'y pinipigilan,
Pati matitinong tsuper, nawawalan ng kabuhayan.
Edukasyon ng kabataan, 'di tiyak ang punta,
Aklat at kaalaman, tila ba kulang pa.
Kinabukasan nila, paano haharapin?
Kung ang nabubulok na sistema, tila ba kay hirap baguhin.
Ang presyo ng bilihin ay walang tigil sa pag-akyat,
Bigas at gulay, sa iilan lamang sapat.
Kung kumakalam ang sikmura, paano pa lalaban?
Lalo pa't ang kaban ng bayan ay harap-harapang ninanakawan.
Ngayong Araw ng Kalayaan, tayo'y magnilay,
Sa mga bayaning nag-alay ng kanilang buhay.
Ang kalayaang tinatamasa, huwag sanang sayangin,
Bandila'y iwagayway nang may mataimtim na panalangin.
Huwag magpadala sa gawang masama't liko,
Sa puso't isipan ang tama ang isamo.
Bawat isa sa atin ay mayroong magagawa,
Tungo sa pagbangon ng ating bansa.
Kaya kapwa ko Pilipino, tayo na't kumilos,
Ipaglaban ang tama, mga halang ay sugpuin at igapos.
Ipakita sa mundo ang lakas at talino nating mga Pilipino,
Huwag na tayong magpapaniwala sa mga nakaupong manloloko.
.webp "(ditto) :(ditto):")
