Ang Labeling Theory, o kilala rin bilang Social Reaction Theory, ay ang pananaw na nagsasabing ang krimen ay bunga ng mga reaksyon ng lipunan sa asal ng isang tao, kabilang na ang paglantad sa sistema ng hustisyang pangkabataan. Nangangahulugan ito na kapag ang mga bata ay pinagsabihan o tinatawag na delinkwente, sila ay magiging delinkwente (Tannenbaum, 1938).
Sa madaling salita, ang teoryang ito ay nagpapaliwanag na ang mga tao ay maaaring maging kriminal o delinkwente hindi lamang dahil sa kanilang personal na mga desisyon at kilos, kundi dahil na rin sa kung paano sila tingnan at tratuhin ng iba sa lipunan - lalo na ng mga may kapangyarihan at awtoridad.
Halimbawa, isang bata na madalas na napapagalitan at sinasabihan na "pasaway" o "delinkwente" dahil sa kanyang mga aksyon, tulad ng pagliban sa klase o paggawa ng mga kalokohan. Dahil sa mga etiketang ito na inilalapat sa kanya, maaaring maging normal na sa kanya ang ganoong pag-uugali at maaaring isipin niya na ito ang natural niyang ugali - kaya siya nagiging mas aktibo sa mga kilos na may kaugnayan sa kriminalidad. Ang bata rin ay maaaring mawalan ng tiwala sa kanyang sarili at maaaring isipin na hindi na siya pwedeng magbago. Sa ganitong paraan, ang labeling theory ay nagsasabing ang lipunan - sa pamamagitan ng paglalapat ng mga label - ang maaaring nagiging sanhi ng pag-uugaling delinkwente.
PH