PHPamintangdurog04
Elite
Ang anumang samaan ng loob, galit, pagaaway pambubulyaw at paninira sa kapwa ay ang mga dahilan kung bakit ang mga pagpapala at biyaya ng Diyos ay hindi nakakamit ng sinumang mga gumagawa nito.. Nagdudulot din ito ng sugat sa puso ng ating kapwa na hindi basta maghihilom. Hindi masaya ang buhay na punumpuno ng ganitong ugali at espiritu... Walang taong makakasundo ang sinumang ganito ang attitude. Iiwasan ka tiyak, at kaiinisan. Sikapin nating makasundo ang lahat ng tao,.. at tignan ninyo kagigiliwan nila tayo. Ang masamang hangarin ay binanggit din ng talata na ating iwasan, wala tayong mabuting mapapala dito. Mga kapatid maging mabait po tayo, at maging maawain sa isat isa. Walang sigalot kapag ang lahat ay may ganitong pananaw sa buhay. At higit sa lahat maging mapagpatawad tayo, huwag tayong gumanti ng masama sa masama sa halip gawan natin sila ng mabuti. Sapagkat tayo din ay nakaranas ng pagpapatawad ng Diyos, kaya dapat din naman tayong magpatawad sa ating kapwa... Mahirap nating gawin pero sa tulong at biyaya ng Panginoong Hesus makakaya nating magpatawad sa sinumang nagkasala sa atin... Purihin ang Diyos!
Pastor Ombie Lontoc