✍️ Arts/Lit Mga Pangamba

[Professora Akira]

Nasa malayo ang tingin.​

mga titig ng mata'y kay hirap hagilapin,​

nakatanaw sa kawalan​

habang nakadungaw sa may pintuan.​

​

Paulit ulit na bumabalik sa alaala,​

mga pagsuyong tila lumalamig na,​

tanong ng isip kung hanggang kailan kaya?​

hanggang kailan mananatiling 'Tayo"​

hanggang kailan may ikaw at ako?​

​

Baka magising na lang bigla,​

sa mukha mo'y nawawala na ang sigla,​

at isang araw ako'y kakalimutan,​

at tuluyan ka nang lilisan.​

​

Minsan ganyan talaga ang pag ibig,​

kaakibat ng saya ay mayroong pait,​

at sa bawat tawa at ngiti​

may nagbabadyang sakit.​

​

Di maiiwasan mga takot at pangamba,​

sa mundong binuo nating dalawa,​

baka isang iglap matapos ang'tayo"​

at mapalitan na ng isang 'kayo."​

​

​

​

~Professora Akira~ ​

 

[Dismal]

Salamat sa madamdaming tula